«Элчининг қизи» сериалида Гедиз образини ижро этган актёр Ураз Кайгилароғлу лойиҳани тарк этади. Бу ҳақда шарҳловчи Биршен Алтунташ продюсерлар гуруҳи билан суҳбатдан сўнг айтиб ўтди, деб ёзади «RusTurkey.com».
Алтунташ берган маълумотларга кўра, актёрнинг лойиҳадан кетиши 2021 йилнинг апрель ойига режалаштирилган эди. Аммо Неслиҳан Атагулнинг тўсатдан сериални тарк этиши натижасида сценарийга ўзгартиришлар киритилган. Шу туфайли Ураз 2-3 қисмдан сўнг лойиҳани тарк этади.
«Сценарий тубдан ўзгартирилди. Жамоа рейтингда кўтарилишни кутмоқда. Чунки Энгин Акюрек ва Туба Буюкустун жуфтлиги турк томошабинлари орасида мисли кўрилмаган шов-шувга сабаб бўлган», − дея қўшимча қилди Алтунташ.
Маълум бўлишича, «Элчининг қизи» сериалида Неслиҳан Атагул ижро қилган Наре ролини бундан буёғига Туба Буюкустун гавдалантиради. Аввалроқ саломатлиги ёмонлашгани сабаб Неслиҳан Атагул Instagram саҳифасида ушбу сериалда бошқа суратга тушмаслиги ва бироз муддат дам олишга эҳтиёжи борлиги ҳақида хабар берилганди.
Сериалда Гедиз ролини ижро этган Ураз Кайгилароғлу лойиҳани тарк этиши ҳақидаги маълумотни тасдиқлаган ва ҳамкасбларига биргаликдаги ижодий жараён учун миннатдорчилик билдирган.
Шунингдек, бироз аввал сериалда Менекше ролини ижро қилган актриса – Тулин Язкан ҳамда Саҳра образида намоён бўлган Дениз Ишин ҳам лойиҳани тарк этган.
Мавзуга доир:
- Неслиҳан Атагул касал бўлиб қолди, Киванч Татлитуғнинг янги сериалдаги партнёри. Турк киноси янгиликлари
- Неслиҳан Атагул ва Керем 2020 йилнинг энг яхши турк актёрлари сифатида эътироф этилди (фото)
- Энгин Акюрек, Неслиҳан Атагул ва турк сериалларининг бошқа юлдузлари қанча гонорар олади?
- Несрин Жавадзаде «Қора ният»даги ҳамкасбига кўнгил қўйди, Неслиҳан Атагул халқаро лойиҳада. Турк киноси янгиликлари
Изоҳ (0)