Исроилда коронавирус инфекциясига қарши эмланган 13 кишида вақтинчалик юз фалажи юзага келган. Бу ҳақда мамлакат Соғлиқни сақлаш вазирлигига таяниб, «РБК» хабар берди.
Беморлардан бирининг The Jerusalem Post’га маълум қилишича, у эмланганидан бир неча дақиқа ўтиб, ияги ва оғзида ғалати ҳиссиётни сезган.
«Камида 28 соат шу ҳолатда юрдим. Бу бутунлай йўқолиб кетди дея олмайман, аммо бундан ташқари, менда ҳеч қандай оғриқ йўқ», — дейди эркак.
Вазирлик вакцинациядан кейин бу каби белгилар кузатилган беморлар сони кўпроқ бўлиши мумкинлигини инкор этмаган. Шунингдек, идоранинг маълум қилишича, биринчи дозадан кейин бу каби белгилар кузатилган инсонлар соғайгунига қадар эмлашнинг иккинчи босқичини кечиктириб туришлари лозим.
Исроилда Pfizer вакцинаси билан оммавий эмлаш жараёнлари 20 декабрда, вакцинациянинг иккинчи дозасини қилиш эса 10 январдан бошланган эди.
Аввалроқ Норвегияда Pfizer вакцинаси билан эмланган 23 киши вафот этгани тўғрисида хабар берилганди. Шунингдек, Исроилда Pfizer вакцинаси билан эмланган эркак юрак хуружидан, португалиялик шифокор вакцинациядан сўнг вафот этган.
Изоҳ (0)