АҚШда 1,3 миллиондан ортиқ фуқаро коронавирусга қарши вакцинанинг иккинчи дозаси билан эмланди. Бу ҳақда мамлакат Касалликлар назорати ва профилактикаси маркази томонидан эълон қилинган маълумотларга таяниб, «ТАСС» хабар берди.
Маълумотларга кўра, айни вақтда АҚШда 11 миллион дозадан ортиқ вакцина ишлатилган бўлиб, умумий ҳисобда 9,7 миллион киши эмланган. Уларнинг 1,3 миллиони коронавирусга қарши иммунитетни шаклланиши учун зарур бўлган вакинанинг иккинчи дозасини олган.
Таъкидланишича, эмлашда ишлатилган вакциналарнинг аксарияти (6,5 миллион) Американинг Pfizer ва Германиянинг BioNTech компаниялари томонидан ишлаб чиқарилган. 4,6 миллион донаси эса Американинг Moderna компаниясига тегишли.
Эслатиб ўтамиз, АҚШда Pfizer ва BioNTech вакциналари билан аҳолини эмлаш 14 декабрь куни бошланган бўлиб, биринчи ва иккинчи доза орасидаги муддат 21 кунни ташкил этади.
Коронавирус тарқалишини реал вақтда кузатиб бораётган Жон Ҳопкинс университети маълумотларига кўра, АҚШда коронавирусга чалинганлар сони 23,3 миллион кишидан, COVID-19 қурбонлари эса 388,5 минг кишидан ошган.
Изоҳ (0)