Россиялик таниқли блогер Илья Варламов ва «Медиазона» ношири, аксионисти Пётр Верзилов Жанубий Судан давлатига саёҳати пайтида ҳибсга олинди. Бу ҳақда Варламов ўзининг Telegram каналида маълум қилди. Meduza’нинг ёзишича, улардан ташқари Варламовнинг рафиқаси Любов ва Европа гимназияси директори, блогер Иван Богансев ва уларнинг таниши Вадим Гинзбург ҳам ҳибсга олинган.
Включение из тюремной камеры в Южном Судане pic.twitter.com/7BHxrH8ahJ
— Peter Verzilov (@gruppa_voina) January 13, 2021
Маълум қилинишича, россияликлар Варламовнинг юкидан топилган дрон пульти туфайли парвоздан олиб қолиниб, полицияга олиб кетилган. Маҳаллий хавфсизлик ходимларининг фикрича, улар «ҳарбий объектларни дрондан тасвирга олган бўлиши мумкин». Дрон улардан Угандада саёҳат қилиб юрган вақтларидаёқ олиб қўйилган.
Варламов блогида айтилишича, улардан қўл телефонларини тортиб олмоқчи бўлишган, аммо улар полицияга беришдан бош тортган. Ҳозир улар тўлиқ текширувни кутмоқда. Ҳибсга олинганлар элчихонага мурожаат қилган. Россиялик дипломатлар Варламов ва Верзилов улар билан боғланганини «Интерфакс»га тасдиқлаган ва маълумотни текширмоқда. Россия ТИВ расмий вакили Мария Захарова дипломатлар уларни озодликка чиқаришга ҳаракат қилаётганини маълум қилган.
Варламовнинг тахминига кўра, суданлик ҳарбийлар ундан шунчаки дронни мусодара қилмоқчи бўлган, аммо уни топа олмагач хафа бўлиб уларнинг ҳаммасини ҳибсга олган.
Россияликлар Африкага декабрь ойининг охирида оддий сайёҳ сифатида борган.
Эслатиб ўтамиз, россиялик таниқли блогер Илья Варламов Андижонда содир бўлган «самосуд»дан кейин Ўзбекистонга келиш фикридан қайтганди.
Изоҳ (0)