Жисмоний тарбия ва спорт вазирининг биринчи ўринбосари Равшан Эрматов сўнгги вақтларда кенг муҳокама сабаб бўлаётган опа-сингил шахматчилар Нафиса Мўминова, Хулкар ва Гулруҳбегим Тоҳиржонова ҳақидаги фикрлари билан ўртоқлашди, дея хабар қилмоқда «Дарё» мухбири Миролим Исажонов.
«Вазирликда бу масалани муҳокама қиляпмиз. Албатта, бизга бундай спортчилар керак. Биз уларни қайтаришимиз лозим, Ўзбекистон фарзанди Ўзбекистон шаънини ҳимоя қилиши керак.
АҚШ федерацияга ўтиб кетган спортчини ортга қайтариш режада борми? Ҳа, албатта», — дейди Равшан Эрматов.
Эслатиб ўтамиз, Мўминовлар оиласининг кенжа фарзанди Гулруҳбегим Тоҳиржонова айни вақтда АҚШда таҳсил олмоқда ва у АҚШ шахмат федерацияси аъзосига айланган.
Аввалроқ бу янгиликдан кейин опа-сингиллар ва шахмат федерация ўртасида совуқчилик борлиги маълум бўлганди.
Мавзуга доир:
- АҚШ шахмат федерацияси вакилига айланган Гулруҳбегим Тоҳиржонованинг отаси: «Ўзимизнинг федерацияга керак бўлмаса, биз нима қила оламиз?»
- Азиза Умарова АҚШга йўл олган гроссмейстер Гулруҳбегим Тоҳиржонова ҳақида: «Энди унга ҳеч қандай федерация тўсқинлик қилолмайди»
- «Ўзи чиқарган қарор учун бошқаларни ёмонотлиқ қилишга ҳаққи йўқ». Шахмат федерацияси Гулруҳбегим Тоҳиржонова атрофидаги хабарларга муносабат билдирди
- «Шахмат федерацияси устимиздан мағзава ағдарди». Нафиса Мўминова ва Хулкар Тоҳиржонова федерациянинг раддиясига муносабат билдирди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)