Инсон саломатлиги кундалик арзимаган юмушлар ҳисобига хавф остида қолиши мумкин. Албатта, улар юзаки қараганда фойдали кўринади, аммо кутилмаганда касалликларни ҳам келтириб чиқаради. Агар кундалик турмушда қуйидаги одатлар мавжуд бўлса, зудлик билан улардан воз кечишга ҳаракат қилиш лозим.
Ювилмаган идишларни суви билан қолдириш
Иссиқ ва нам муҳит бактериялар тарқалиши учун жуда қулай жой. Ювилмаган идишлардаги турли хил бактериялар бу каби муҳитда тез тарқалади ва би қанча касалликларга сабаб бўлади. Масалан, стафилококк, ичак таёқчалари ва салмонелла каби бактериялар тури ҳаво томчилари орқали юқиб, жиддий юқумли касаликларни пайдо қилиши мумкин.
Қаҳва тайёрловчи қурилма
Мазкур воситадан кўпроқ жамоат жойлари ва офисларда фойдаланиш мумкин. Бунда ҳам турли хил бактериялар гуруҳи қаҳва тайёрлагичда тўпланиб, фаол равишда кўпайиб боради. Бунга ишониш қийин, кўпчилик хотиржам фойдаланадиган ушбу воситада тасаввур қилиб бўлмас даражада бактериялар мавжуд ва у осонгина инсонларга юқиши мумкин.
Автомат қуритгичдан фойдаланиш
Айнан жамоат жойларида ўрнатилган автомат қуритгичдан ҳамма тозалик учун фойдаланади, аммо энг катта зарарли бактерияларни шу ердан юқтириб олиш ҳеч кимнинг хаёлига келмайди. Ушбу қурилмада фаол бактериялар тўпланибгина қолмай, иссиқ ҳаво оқимида ундан фойдаланаётган инсон ўпкасига кириб олиши жуда осон. Шундан сўнг ўпка билан боғлиқ хавфли касалликлар қаердан пайдо бўлганига узоқ вақт сарфлаш шарт эмас. Яхшиси, бу каби умумий масканларда ҳар ким ўзининг шахсий сочиқларидан фойдалангани маъқул.
Қўлни қайноқ сув билан ювиш
Кўпчилик қўлларни қайноқ сувда ювиш уни янада тоза қилади, деган қарашда. Аммо ундай эмас, аксинча, иссиқ сув тозалаш воситасинигина ювади. Бундай сув эса терини заифлаштириб, яллиғланиш ва дерматитни келтириб чиқаради.
Қишки кийимларни кам ювиш
Шапка, қўлқоп ва шарфларни қанча муддат оралиғида тозалаб туриш керак? Шифокорлар буни камида икки ҳафтада бир марта амалга оширишни маслаҳат беради. Улар юз ва нафас олиш органларига жуда яқин бўлгани учун кийимларда тўпланган микроблар осонгина ички организмга етиб боради. Совуқ мавсумда тез-тез шамолловчиларга юқоридаги кийимларни тез-тез ювиш тавсия этилади.
Гўшт маҳсулотларини майдалашда умумий тахтадан фойдаланиш
Сабзавот, мева ва гўшт маҳсулотларини майдалаш учун биргина тахтадан фойдаланиш ундаги микроблар миқдорини 200 бараварга оширади. Гўшт, парранда гўшти, балиқ бўлакланганда ундан қолган тахтадаги бактериялар заҳарланишнинг энг кенг тарқалган сабабидир. Шунинг учун ошхонада гўшт учун алоҳида пичоқ ва тахта ажратишга одатланиш саломатлик учун фойдали ҳисобланади.
Телефондан қопламасиз фойдаланиш
Телефон бугунги кунда инсоннинг ажралмас бир қисмига айланиб қолган ва унда тўпланадиган бактериялар бошқа буюмларга қараганда 10 баравар кўп. Хавфни камайтириш учун мунтазам равишда махсус тозалаш восилаталаридан фойдаланиш ва қолип кийдиришни унутмаслик керак.
Изоҳ (0)