Акмалхон Ортиқов Давлат активларини бошқариш агентлигининг янги раҳбари сифатида фаолият бошлади. Бу ҳақда «Халқ сўзи online» хабар берди.
Акмалхон Ортиқов 2020 йилнинг 28 мартидан бери иқтисодий тараққиёт ва камбағалликни қисқартириш вазирининг биринчи ўринбосари лавозимида ишлаб келаётган эди.
Акмалхон Ортиқов аввал Наманган вилоят ҳокимининг биринчи ўринбосари лавозимида фаолият юритган. У 1980 йилда туғилган, Тошкент давлат иқтисодиёт институтини тамомлаган. 2001 йилдан 2013 йилгача Молия вазирлиги тузилмаларида турли лавозимларда ишлаган. 2013—2015 йилларда Наманган вилояти, 2015—2017 йилларда Фарғона вилояти ҳокимияти молия бошқармасига раҳбарлик қилган.
Акмалхон Ортиқов ўрнига 2019 йилнинг март ойидан Марказий банк раисининг ўринбосари сифатида фаолият юритган Саидқаҳҳор Холхўжаев иқтисодий тараққиёт ва камбағалликни қисқартириш вазирининг биринчи ўринбосари этиб тайинланган.
Эслатиб ўтамиз, Давлат активларини бошқариш агентлиги фаолиятини ташкил этиш тўғрисидаги Президент қарори 2019 йилнинг январаида қабул қилинган ва Нодир Жўраев агентликка директор этиб тайинланган эди.