Наманганда Энергетика ходимлари куни муносабати билан соҳа мутасаддиларига 25 та «Газель» махсус бригада машинаси, лаборатория-синов махсус техникаси ва кран-манипулятор топширилди. Бу ҳақда «Дарё» мухбири Азизбек Абдувалиев хабар бермоқда.
Шунингдек, вилоятнинг Уйчи ва Наманган туманларида мижозлар бўлимларининг янги бинолари ҳам ўз фаолиятини бошлади.
«Наманган ҳудудий электр тармоқлари» корхонаси томонидан янги «Газель» машиналарига озиқ-овқат тўпламлари ва маиший техника ортилиб, вилоятдаги «Темир дафтар»га кирган 350 та оилага тарқатилмоқда.
— Энергетиклар куни ва Янги йил байрами муносабати билан турли тадбирлар ўтказишдан воз кечиб, эҳтиёжманд оилаларни йўқлашни маъқул кўрдик. Уларнинг дуоси бизнинг хатарли ва машаққатли фаолиятимизда албатта кор келади, — дейди «Наманган ҳудудий электр тармоқлари» корхонаси раҳбари Жаҳонгир Ризаев.
Маълумот учун, Наманган вилоятида 2021 йилда 850 километр электр тармоғи қурилиши ва 270 та трансформатор пунки ўрнатилиши режалаштирилган. Бунинг натижасида вилоятда энергетика тизимида иш ҳажми бажарилиши 30 фоизга ортиши кутилмоқда.
Изоҳ (0)