Айрим аёллар маънавияти саёзлиги, дунёқараши ёки соғлиғида муаммо борлиги учун фоҳишалик йўлига кириб қолмоқда. Бу ҳақда Гендер тенгликни таъминлаш масалалари бўйича комиссиянинг 21 декабрь куни бўлиб ўтган йиғилишида Танзила Норбоева фикр билдирди.
Сенат раиси Иккинчи Жаҳон урушининг оғир йилларида Ўзбекистонда аёллар «қийналган бўлса ҳам, ўзини сотмагани»ни, бу «маънавият, тарбияга боғлиқ» эканини алоҳида таъкидлади.
«Барчамиз яхши биламизки, Иккинчи Жаҳон урушида Ўзбекистон жуда қийин аҳволда эди. Ўша пайтда ўзимиз камбағал бўлсак-да, кўплаб бошқа юрт болаларини ҳам қабул қилганмиз. Ҳамма эркаклар урушга кетиб, аёллар қийналган бўлса ҳам, аммо ўзини сотмаган. Бу маънавият, тарбияга боғлиқ», — деди у.
Танзила Норбоеванинг қайд этишича, «айнан ҳозирги даврда» айрим аёлларнинг фоҳишалик билан шуғулланишига йўқчилик сабаб эмас.
«Аёл йўқчиликдан ҳеч қачон ўзини сотмайди, айнан ҳозирги даврда. Ҳозир ишлайман деган аёлга барибир қандайдир иш топилади. Аёл ишсизликдан, қийналганидан ўзини ё фарзандини сотяпти, дейиш нотўғри. Айрим аёллар маънавияти саёзлиги, дунёқараши, асаби ёки соғлиғида муаммо борлиги учун шу ҳолатга тушмоқда», — дея қўшимча қилди Норбоева хоним.
Мавзуга доир:
- Танзила Норбоева чақалоқлар савдосида воситачиларнинг учдан бири тиббиёт ходимлари эканлигини айтди
- Танзила Норбоева таълим муассасаларида жинсий тарбия дарслари ўтилиши ҳақидаги гапларига изоҳ берди
- «Аёлми, эркакми, жиноят қилса, тенг жавоб бериши керак». Танзила Норбоева Гулнора Каримованинг қамоқда ўтирганига «аёл сифатида» муносабат билдирди
Изоҳ (0)