Instagram жамоаси янги Apple смартфонлари — iPhone 12 ва iPhone 12 Pro Max учун эксклюзив функция ишга туширилганини эълон қилди, деб хабар беради IXBT.
Гап Instagram’да пайдо бўлган янги ProRAW ҳақида бўлиб, у iPhone 12 билан бир вақтда тақдим этилган ва ҳозирча уни фақат iPhone 12 Про ва iPhone 12 Pro Max қўллаб-қувватламоқда.
Умуман олганда Instagram’да ProRAW’ни қўллаб-қувватлаш чекланган. Instagram’да iOS учун масъул бўлган Тим Жонсеннинг аниқлик киритишича, DNG форматидаги суратларни олдингидек Instagram’да таҳрирлаб бўлмайди. Афтидан, Instagram ProRAW’ни фақатгина JPG конвертация қилади.
iPhone 12 Pro фойдаланувчилари ProRAW форматида суратларни бошқа воситалар ёрдамида таҳрирлай олади, шундан сўнг, Instagram заруратсиз мустақил равишда суратни JPG’га айлантиради. Бундан ташқари, ProRAW файллар катта ўлчамга эга, 25 мегабайтга яқин, Instagram эса уларнинг ҳажмини кичрайтиради.
Apple’нинг ваъда қилишича, янги ProRAW форматини қўллаб-қувватлаш фотосуратларни яхшироқ таҳрирлаш имконини беради. Дастурчиларнинг сўзларига кўра, формат Apple томонидан яратилган мултикадрли суратга олиш технологиясини, суратни ҳисоблаш имконияти ва RАW формати қулайликларини ўзида мужассам этади. Фойдаланувчилар рангни, деталлар даражаси ва динамик диапазонни бошқара олади.
Аввалроқ iPhone 12 эгалари смартфон экрани блокда бўлганда ҳам аккумулятор сарфи кўплигидан шикоят қилаётгани тўғрисида хабар берилганди.
Изоҳ (0)