Актриса Раъно Шодиева «Мирсодиқова билан» Youtube каналига берган интервьюсида биринчи мутахассислиги конструктор-дизайнер эканлиги, бир вақтлар Сенат раиси Танзила Норбоевага кийимлар тикиб бергани ҳақида гапириб берди.
«Танзила Камоловна, менинг устозим, уларни жудаям яхши кўраман, ҳурмат қиламан. Бир неча йил мобайнида уларнинг шахсий дизайнери бўлганман, лекин ательедан кетганимдан кейин Танзила опага ҳеч нарса тикиб бера олмадим. Бунинг учун ҳалиям ўзимни кечира олмаяпман. Чунки яқинда кўришганимизда ‘Раъно, янаям чиройли кўйлаклар, костюмлар қилиб берсанг бўларкан’, деб илтимос қилдилар, кейин мен Туркияга кетиб қолдим, қилиб бера олмадим, кечирим сўрайман», — дейди актриса.
Шунингдек, актриса яқинда ўз шахсий шоурумини ишга туширишни, ҳамёнбоп нархлардаги аёллар кийимларини тикиб, сотувини йўлга қўйишини айтиб ўтди.
Изоҳ (0)