Профессионал футбол Лигаси (ПФЛ) бош директори вазифасини бажарувчи Диёр Имомхўжаев «Арал» клубининг 2021 йилда Суперлигада иштирок этиши мумкинлиги ҳақидаги хабарларга шарҳ берди.
Суперлигада қанча клуб иштирок этиши масаласи ЎФА Ижроқўмининг 28 ноябрь кунги йиғилишида кўтарилган ва унда «Арал» клубининг истисно тариқасида Про-Лигада иштирок этиши масаласи бўйича муҳокама борган. Ўша масала бўйича биз Қорақалпоғистонда бўлдик.Аввалроқ Вазирлар Маҳкамасининг қарори муҳокама қўйилган ва унда «Арал» футбол клубини шартли равишда Суперлига 2021 йилги мавсуми иштирокчисига айлантириш таклиф қилинганди.Футбол жамоатчилиги масалага вазмин ёндашиши тўғрироқ бўлади. Чунки, эълон қилинган материал муҳокамага қўйилган, якуний қарор чиқмасидан туриб, «Арал» Суперлигада ўйнайди деб ёзиш тўғри бўлмайди. Боз устига муҳокамада Суперлига иштирокчилари сони ҳақида сўз ҳам йўқ, бўлиши ҳам мумкин эмас.
ФИФА ҳукуматнинг футболга ғамхўрлигини қадрлайди, ўз навбатида спорт тамойилларига ташқи аралашув бўлишига йўл ҳам қўймайди. «Арал» футбол клубининг моддий-техник базасини ривожлантириш учун сезиларли ҳаракатлар бўлаётгани рост, аммо бу клубнинг бирданига Суперлигада ўйнашини англатмайди.
Диёр Имомхўжаев, ПФЛ бош директори вазифасини бажарувчи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)