Хитой ва Непал ҳукуматининг тадқиқотчилари томонидан биргаликда ўлчанган Эверест (Жомолунгма) тоғининг янги расмий баландлигини эълон қилинди, дея хабар бермоқда Meduza.
Маълум қилинишича, қайта ўлчанган тоғнинг баландилиги 8848 метр ва 86 сантиметр бўлиб чиққан.
Таъкидланишича, тоғ билан чегарадош икки мамлакат 2019 йилда қўшма ўлчов ишлари бўйича келишиб олганди.
Бунгача улар ўртасида «қор қалпоғи»ни (тоғ чўққисининг қор билан қопланган ери) тоғнинг баландлигига қўшиб ҳисоблаш зарурлиги тўғрисида келишмовчилик келиб чиққан. Хитой илгари тоғнинг баландлигини 8844 метр деб баҳолаган, Непал эса Хитой ўлчовларини тан олмаган.
Ҳозиргача Эверест баландлиги учун одатда ишлатиладиган қиймат 8848 метрни ташкил этган. Ушбу баландлик 1954 йилда Ҳиндистон Геологик хизмати томонидан ўлчанган.
Маълумот учун, 2015 йилда Ҳимолай тоғларида кучли зилзила содир бўлган. Геологлар ушбу зилзила туфайли Эверест баландлиги бир неча метрга ўзгарган бўлиши мумкин, деб тахмин қилганди.
Изоҳ (0)