А Серия. «Интер» 4 та гол урилган баҳсда уч очколик бўлди, Ашраф Ҳакимидан дубль
Футбол бўйича Италия А Сериясининг 10-турида «Интер» 5 декабрь, шанба куни «Болонья»ни қабул қилди.
Учрашувнинг 16-дақиқасида Ромелу Лукаку миланликларни олдинга олиб чиққан бўлса, биринчи бўлим якунланиши арафасида Ашраф Ҳакими ҳисобни оширди.
67-дақиқада меҳмонлар Эмануэл Винятонинг голидан кейин ҳисобни қисқартирди, бироқ орадан уч дақиқа ўтиб Ҳакими дублни расмийлаштирган ҳолда якуний ҳисобни ўрнатди — 3:1.
«Интер» очколарини 21 тага етказиб олган ҳолда иккинчи ўринга қайтди.
А Серия
10-тур баҳси
5 декабрь, шанба
«Интер» — «Болонья» 3:1
Голлар: 1:0 – 16 Лукаку, 2:0 – 45 Ҳакими, 2:1 – 67 Винято, 3:1 – 70 Ҳакими.«Интер»: Ҳанданович, Шкриньяр, де Врей, Бастони (Д`Амброзио, 83), Ҳакими (Дармиан, 71), Видаль (Барелла, 71), Брозович, Гальярдини, Перишич, Лукаку (Мартинес, 71), Санчес (Эриксен, 90).
«Болонья»: Скорупски, Медель (Домингес, 63), Ларангейра, Томиясу, де Сильвестри, Схаутен, Сванберг (Винято, 63), Ҳики (Хайлоти, 63), Сориано, Барроу (Рабби, 79), Паласио (Вергани, 79).
Огоҳлантиришлар: Ҳики (54), Ҳакими (66), Ларангейра (74).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
