Германия колониясининг геноцидига учраган Намибияда Адольф Гитлер исмли номзод сайловда ғолиб чиқди

Адольф Гитлер Уунона исмли сиёсатчи Намибиядаги ҳудудий сайловда ғолиб чиқди. Бу ҳақда Meduza хабар берди.

Сайловда расман Адольф Г. Уунона исми билан қатнашган Адольф Гитлер Уунона ўз округида 85 фоиз овоз тўплаган. У Жануби-ғарбий Африканинг халқ ташкилоти партиясидан сайловда иштирок этган. Мазкур партия Намибия 1990 йилда Жанубий Африкадан мустақил бўлганидан буён ҳукмрон партия ҳисобланади.

Германиянинг Bild нашрига интервью берган Адольф Гитлер Уунона миллатчилар шарафига отаси унга шундай исм қўйганини айтган. «У Адольф Гитлер ким бўлганини тушунмаган. Болалигимда мен буни умуман оддий исм сифатида қабул қилганман ва фақат ўсмирлик давримда бу одам бутун дунёни босиб олмоқчи бўлганини билганман», — дея маълум қилган сиёсатчи.

Намибия XIX асрнинг охири — ХХ асрнинг бошида Германия империясининг колонияси бўлган. 1904—1908 йилларда маҳаллий аҳолининг қўзғолонига жавобан немис аскарлари гереро ва нама қабилаларидан бир неча ўн минг одамни ўлдирган. 1980 йилларда БМТ бу ҳодисани геноцид деб атаган, XXI асрнинг бошида эса Германия буни расман тан олган. Бироқ Германия ҳукумати Намибияга товон тўлашдан бош тортган.