Бизнеснинг асосий қоидаларидан бири бу тўхтамаслик ва олға силжишдир. Бироқ бунинг учун вақти-вақти билан шахсий бизнесни янги сармоялар билан «боқиб туриш» керак. Бунинг учун ҳар доим ҳам ресурслар етарли бўлавермайди, шунинг учун у ёки бу тарзда, тадбиркор уларни қаердан олиш ҳақида ўйлайди. Агар гап кичик бўлмаган миқдордаги пул ҳақида кетса, камдан-кам ҳолларда дўстлар ва қариндошларга ишониш мумкин. Ечимлардан бири бу банк кредити. Кичик бизнес учун банк кредитини қандай ва қаердан, қанча миқдорда ва қандай шартлар асосида олиш мумкин, шунингдек, нима учун тадбиркорга рад жавоби берилиши мумкин, булар ҳақида ўз материалимизда сўз боради.
Япония тизими бўйича кредитлаш
Ҳар қандай кредит ташкилоти ҳам жисмоний, ҳам юридик шахсларни кредитлаш масаласига жиддий ёндашади, шунинг учун потенциал қарз олувчиларга маълум талаблар қўйилади. «Капиталбанк» нинг кичик кредитлаш департаменти директори Алишер Махамадалиевнинг сўзларига кўра, мутахассислар кредит лойиҳаларини ўрганадилар ва барча мурожаат қилувчиларнинг фаолиятини таҳлил қиладилар.
«Май ойидан бошлаб биз J-USBP Япония-Ўзбекистон кичик бизнесни қўллаб-қувватлаш дастурини ишга тушириш орқали кредит олиш тартибини соддалаштирдик. Бу нимани англатади? Расмий бухгалтерия ҳужжатлари бизни унчалик қизиқтирмайди - кўпинча кичик бизнесда улар ишнинг ҳақиқий ҳолатини акс эттирмайди. Бунинг ўрнига биз бизнесга «жонли» қараймиз. Ходимларимиз ўзлари фаолият олиб бориладиган жойга борадилар, бухгалтерия ҳисоби, даромад ва айланмани эмас, балки ҳақиқий иш тарзини кўриб чиқадилар. Натижада биз мижоз ҳақида аниқ маълумотга эга бўламиз ва қарор қабул қиламиз. Қоида тариқасида, тадбиркор бир неча кун ичида кредит олади», — деди Алишер Махамадалиев.
Қаерда, қачон ва қанча?
Барча банкларнинг кредитлаш шартлари турлича: ҳар хил фоиз ставкалари, ҳужжатлар тўплами ва кредит бериш муддатлари. Масалан, «Капиталбанк»дан кредит олиш учун банкка келиб, ариза тўлдириб, паспорт, низом, рўйхатдан ўтганлик тўғрисидаги гувоҳнома ва ижара шартномасини тақдим этиш кифоя.
Кредит транспорт воситаси, кўчмас мулк, заргарлик буюмлари ва бошқалар гаровга қўйиш эвазига берилиши мумкин. Бунинг учун ҳам минимал ҳужжатлар тўплами керак бўлади, яъни автомобилнинг техник паспорти ёки кўчмас мулк кадастри ва шунга мувофиқ, гаровга қўйилаётган мулк эгасининг паспорти.
Банк кредитларни миллий ва хорижий валютада беради. Максимал сумма 1 миллиард сўм ёки 100 минг АҚШ долларини ташкил қилади. Айланма маблағларда кредитни тўлаш муддати 18 ойгача, асосий кредит учун 36 ойгача. Сўмли кредитлар бўйича фоиз ставкалари 20%, валюта кредитлари бўйича 8% ни ташкил этади. Одатда, бизнесга пуллар тезкорлик билан зарур, шунинг учун «Капиталбанк»да кредит бериш муддати 3 кундан 5 кунгача.
Кимга рад жавоби берилиши мумкин?
Май ойидан октябрь ойига қадар «Капиталбанк» 658 та лойиҳа учун 173 миллиард сўм миқдорида кредитлар ажратди. Ушбу даврда атиги 5 та лойиҳани кредитлаш рад этилди, бу ҳатто 1 фоиздан ҳам кам.
«Биз ‘йўқ’ деб жавоб берган лойиҳалар, бу катта хавфга эга лойиҳалар эди, бу эса ўз навбатида кредитни қайтаришга ҳам таъсир қилади. Шунингдек, айрим лойиҳалар учун тадбиркорлик фаолиятининг белгиланган турларини амалга ошириш учун талаб қилинадиган рухсатномалар (лицензиялар, сертификатлар ва бошқалар) мавжуд эмас эди», — дейди департамент директори ўринбосари Жаҳонгир Умаров.
Аммо мутахассисларнинг фикрига кўра, бундай «тасодифий» лойиҳалар унчалик кўп эмас. Тадбиркорлар кредит олишга онгли равишда ёндашадилар.
«Капиталбанк» ижтимоий тармоқларда:
Facebook: www.facebook.com/kapitalbank.uz
Instagram: @ kapitalbank.uz
Telegram-канал: t.ме/капитал24
Telegram бот: @KapitalbankBot
«Капиталбанк»нинг ягона ахборот хизмати: +998 (78) 148 40 08.
Реклама ҳуқуқи асосида.
Изоҳ (0)