Саломатлик билан боғлиқ ҳар қандай муаммо бўлганда организмда белгилар кузатилади ва уларни пайқаш орқали салбий оқибатларни олдини олиш ва муаммони бартараф қилиш мумкин. Невролог шифокор Сергей Длин энг кўп тарқалган ва кўпинча одамлар ўтиб кетади деб ўйлайдиган сигналлар ҳақида маълумот беради.
Доимий равишда бош айланиши
Саломатликда бир гап борлигидан дарак берувчи энг кўп тарқалган симптомлардан бири бош айланиши ҳисобланади. Эркаклар ҳушини йўқотмагунича ушбу симптомни пайқамаслиги, аёллар эса гормонал ўзгаришларга йўйиши мумкин. Кўз, ички қулоқ, вестибуляр аппаратда, шунингдек, мушак ва қон-томирлар ҳатто суякларда муаммо борлиги бош айланишига сабаб бўлиши мумкин. Аслида эса бош айланиши тананинг мувозанатни сақлашга жавоб берадиган тизимида муаммо борлигини билдиради.
Бу нимадан дарак беради?
Хавфсиз бўлган проксимал бош айланиши
80 фоиз ҳолатда бош айланиши шундай бўлиши мумкин. Кўп ҳолларда бундай бош айланиши жиддий жароҳатлардан кейин кузатилади ёки инфекция сабаб келиб чиқади ва ёш ўтиши билан ривожланади.
Мигрен
Мигрен мияда вестибуляр аппаратга жавоб берадиган қисмида қон айланишида муаммо борлигида юзага келади ҳамда кескин оғриқ, бош айланиши, қайт қилиш каби симптомлар билан намоён бўлади.
Вегетоваскуляр дистония
Бош айланиши кучли невроз, қўрқув ёки ваҳимга тушиш билан бирга кечиши мумкин. Ички қулоқнинг яллиғланиши, бош мия ва орқа мия ҳамда бўйин соҳасидаги қон-томирлар фаолиятида муаммо кузатилиши ҳам бош айланишини келтириб чиқариши мумкин. Шундай бўлса, шифокорга боришни ортга сурмаслик керак. Тажрибали мутахассис аниқ ташхис қўйиб, қандай даво чораларини кўриш ҳақида маълумот беради. Аммо нима бўлганда ҳам, ўзингизни ўзбошимчалик билан даволаманг.
Кўнгил айниши
Бу симптомга ҳам кўпчилик бееътибор бўлади, хусусан, эркаклар еган таоми ёқмаганлигига, аёллар эса она бўлишга йўя бошлайди. Овқатдан заҳарланиш ва токсикозда қайт қилиш кузатилиши мумкин, аммо бунинг боиси бошқа жиддий сабаблар бўлиши мумкин.
Нимадан дарак бериши мумкин?
Инфаркт
Тўсатдан тери рангининг оқариб кетиши, қон босимининг тушиб кетиши, муздек тер босиши ва қайт қилишнинг биргаликда кузатилиши ўткир юрак етишмовчилигидан сўзлаши ҳамда миокард инфарктига хос симптом бўлиши мумкин. Агар сизда ушбу белгилар пайдо бўлса, умуртқага берадиган кучли оғриқ кузатилса, сизда юрак хуружи юз бераётгани эҳтимоли йўқ эмас. Зудлик билан тез ёрдамга мурожаат қилинг.
Гипертония ва қон босими билан боғлиқ муаммолар
Мазкур белгилар ҳам кўнгил айнишини келтириб чиқариши мумкин. Қаттиқ асабийлашиш, кофеинни ичига оладиган ёки спиртли ичимликларни истеъмол қилиш фонида содир бўладиган кўнгил айниши, қон босимининг ўзгариши билан боғлиқ.
Шокка тушиш
Стресслар ва чуқур эмоционал ҳолат назорат қилиб бўлмайдиган кўнгил айниши ва қайт қилишга олиб келиши мумкин. Мазкур симптом кўпинча шок ҳолатидаги кишиларда кузатилади.
Интоксикация
Мия чайқалиши ва вестибуляр аппаратда муаммо бўлса, организм заҳарланиш, эпилепсия, овқатдан заҳарланиш ва дори ёки гиёҳванд моддаларини меъёрдан ортиқ қабул қилиб юбориш, ичак инфекция ва вирус деб ўйлайди.
Уйқусизлик
Маълум муддат овқатланмасдан яшаш мумкин, лекин ухламасдан эмас. Узоқ вақт давомида тўлиқ уйқунинг бўлмаслиги мия ва асаб тизимининг ишдан чиқиши, бу эса ҳатто ақлдан озишга олиб келади.
Уйқусизлик нимадан дарак беради?
Асаб тизими касалликлари
Уйқунинг бузилиши кўп ҳолларда психик касалликлар, стресс ва асаб тизимининг турли касалликларида кузатилади. Бу турлича намоён бўлади: уйқуга кетиш қийин, уйқу нотинч ва ёмон тушлар кўриш ҳамда уйғониш осон бўлмайди. Оқибатда одам асабий ва жиззаки бўлиб қолади.
Эндокрин тизимининг ишдан чиқиши
Уйқуга кетиш гормонлар билан боғлиқ бўлади ва уларнинг етишмаслиги эндокринологга бориш кераклигини билдиради. Чекиш, спиртли ичимликлар истеъмоли, нотўғри овқатланиш, жисмоний фаолликнинг етишмаслиги ҳам уйқунинг меъёрда бўлмаслигининг сабабларидан бири бўлиши мумкин.
Изоҳ (0)