Майк Тайсон — Рой Жонс. 29 ноябрь тонгида йил жанги ўтказилади. Ушбу жангни қандай кўриш мумкин?

Тошкент вақти билан 29 ноябрь тонгида Лос-Анжелесдаги (АҚШ) Staples Center аренасида бокс кечаси бўлиб ўтади.

Оғир вазн тоифасида собиқ Жаҳон чемпиони Майк Тайсон (50-6, 44 КО) ва тўртта дивизион собиқ чемпиони Рой Жонс (66-9, 47 КО) ўртасидаги жанг кечанинг асосий воқеаси бўлади. Кўргазмали жанг 8 раунддан иборат бўлади.

Шунингдек, бокс кечаси доирасида яна иккита жанг ўтказилади:

• Жейк Пол (1-0, 1 КО) — Нейт Робинсон (проф боксдаги дебют).
• Баду Жек (22-3-3, 13 КО) — Блейк Маккернан (13-0, 6 КО).

Майк Тайсон ва Рой Жонс ўртасидаги жангни бу ерда кўриш мумкин — ҳавола.

Маълумот учун, жангни Рен-ТВ ҳамда UzReport телеканаллари жонли эфирда намойиш этиши кутилмоқда.