Профессионал боксда ўз фаолиятини давом эттираётган Шоҳжаҳон Эргашев (18-0, 16 КО) 16 ноябрь, душанба куни навбатдаги жангини ўтказади.
Ўзбекистонлик боксчига беларуслик Дмитрий Милюша (9-3-1, 4 КО) рақиблик қилади. Жанг 16 ноябрь куни Россиянинг Красногорск шаҳрида бўлиб ўтади. Жанг Шоҳжаҳон фаолият юритадиган супер енгил вазнда эмас, ярим ўрта вазн тоифасида кечади.
Шунингдек, ушбу бокс кечасида яна икки нафар ўзбекистонлик спортчи рингга кўтарилади. Мирзакамол Неъматов (1-0, 1 КО) проф рингдаги иккинчи жангини россиялик Алишер Ашуровга (3-26) қарши ўтказади. Алишер Шодиев (1-1) эса маҳаллий боксчи Магомедриза Муталибовга (1-1) қарши жанг қилади.
Шоҳжаҳон Эргашев иштирокидаги жанг 16 ноябрь, душанба куни тунги соат 23:30 да бошланиши кутилмоқда (жангнинг эрта ёки кеч бошланиши бошқа жангларнинг тўлиқ ўтиши ёки муддатидан аввал якунлашига боғлиқ).
Ушбу бокс кечасидаги жанглар видеосини ушбу ҳавола орқали кузатиб бориш мумкин — Ҳавола
Шоҳжаҳон сўнгги жангини 2020 йилнинг январида ўтказиб, унда мексикалик Адриан Эстреллани (29-5, 24 КО) биринчи раунддаёқ нокаутга учратганди.
Маълумот учун, Шоҳжаҳон Эргашев ҳозирга қадар проф боксдаги барча 18 та жангида ғалаба қозонган. 16 та жангда рақибларини нокаут эвазига таслим қилган.
Изоҳ (0)