Наманган вилоятида Isuzu юк машинаси DAF юк машинаси билан тўқнашиб йўл-транспорт ҳодисаси содир этди, дея хабар бермоқда ИИВ.
Қайд этилишича, 10 ноябрь куни соат 04:30 ларда Тошкент–Ўш йўлининг 269-километрида Isuzu автомашинасини бошқариб кетаётган ҳайдовчи ҳаракат хавфсизлигини таъминлай олмай, шу йўналишда ўзидан олдинда ҳаракатланиб кетаётган DAF транспорт воситасининг орқа томонига бориб урилган.
Натижада Isuzu автомашинасида бўлган йўловчи олган тан жароҳати оқибатида шифохонада вафот этган.
Ушбу ҳолат бўйича туман ИИБ ҳузуридаги Тергов бўлинмаси томонидан Жиноят кодексининг 266-моддаси 2-қисми (одам ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
Аввалроқ Андижонда Isuzu билан тўқнашган Labo иккита Nexia ва Damas’ни уриб юборгани, Жиззахда 2 та Howo ҳайдовчиси қарама-қарши йўналишда ўзаро ҳазиллашиши оқибатида машиналар бир-бири билан тўқнашгани ҳамда Зарафшонда ичида йўловчилар бўлган иккита автобус иштирокида авария юз бергани ҳақида хабар берилганди.
Изоҳ (0)