Президент Шавкат Мирзиёевнинг 2020 йил 11 ноябрь кунги ПҚ-4888-сон қарори билан Тошкент шаҳри таркибида Янгиҳаёт тумани ҳокимлиги ташкил этилди, дея хабар бермоқда Адлия вазирлиги.
Қайд этилишича, Янгиҳаёт туманига ўтказилган ҳудудда фаолият юритаётган тадбиркорларнинг почта манзили улардан ариза ёки маълумот талаб қилмаган ҳолда тўғридан-тўғри электрон тизим орқали бепул ўзгартирилади.
Эслатиб ўтамиз, Янгиҳаёт тумани Олий Мажлис Қонунчилик палатаси ва Сенатининг 2020 йил сентябрдаги тегишли қарорлари асосида ташкил этилган.
Маълумот учун, Янгиҳаёт тумани майдони пойтахт ва Тошкент вилоятидаги 6 туман ҳудуди ҳисобига кенгайтирилган.
Аввалроқ Шавкат Мирзиёев Янгиҳаёт тумани ҳокими сифатида Ҳаёт Иноғомовни тайинлашни таклиф қилган эди.
Изоҳ (0)