2020 йилнинг 10 ноябрь куни соат 14:10 ларда Тошкент шаҳар, Яшнобод тумани, Уйсозлар кўчасида жойлашган транспорт воситаларини созлаш устахонасида қолдирилган, фуқаро А.Р.га тегишли Opel Vectra транспорт воситасида ёнғин юзага келган, дея хабар қилди ЙҲХББ ахборот хизмати.
Хабарга кўра, ёнғин оқибатида тан жароҳати олганлар йўқ ва фавқулодда вазият ўт ўчирувчилар томонидан бартараф этилган.
«Мазкур ёнғин юзасидан Яшнобод тумани ИИО ФМБ ЙҲХБ ҳамда ФВБ томонидан суриштирув ишлари олиб борилиб, олов чиқишининг сабабларига аниқлик киритилмоқда.
Барча ҳайдовчилардан эҳтиёткор бўлишларини, транспорт воситаси созловчиларидан эса хавфсизлик қоидаларига амал қилган ҳолда иш олиб боришларини сўраб қоламиз», – дейилади бошқарма ахборотида.
Изоҳ (0)