Россия президентининг матбуот котиби Дмитрий Песков ғарб нашрларининг Владимир Путин касаллиги сабаб муддатидан олдин истеъфога чиқмоқчилиги тўғрисида тарқатган хабарларини «мутлақо сафсата» деб атади. Бу ҳақда Meduza хабар берди.
«Сизга айтсам, бу ерда изоҳ берадиган нарсанинг ўзи йўқ. Бу мутлақо сафсата. Президентда ҳаммаси жойида. Соғлиғи аъло», — дейди Песков. Шу билан бирга, у Путин истеъфо чиқиш ниятида эмаслигини ҳам маълум қилди.
5 ноябрь куни The Sun нашри Владимир Путин 2021 йилнинг бошида Россия президентлигидан кетмоқчилиги ҳақида ёзган. Қайд этилишича, унда соғлиғи билан боғлиқ муаммо мавжуд — президентда Паркинсон касаллиги белгилари аниқланган. Нашр мақолани политолог Валерий Соловейнинг сўзларига таяниб ёзган. Ушбу материални қолган ғарб нашрлари, хусусан, Daily Mail ва New York Post ҳам чоп этган.
Аввалроқ Путин президентликдан кетганидан сўнг умрбод сенатор бўлиб қолмоқчилиги тўғрисида хабар берилганди.
Изоҳ (0)