Италия ҳукумати коронавирус тарқалиши сабабли мамлакатнинг бутун ҳудудида комендантлик соати жорий қилди. Мамлакат аҳолисининг соат 22:00 дан 05:00 гача уйдан чиқиши тақиқланган. Тегишли фармон Италия бош вазири Жузеппе Конте томонидан имзоланди. Бу ҳақда Meduza хабар берди.
Шу билан бирга, мамлакатда музейлар ва кўргазмалар ёпилади, мактабларнинг катта синфлари эса масофавий таълимга ўтади. Савдо марказлари дам олиш кунлари ишламайди.
Мамлакат ҳудудлари уч турдаги хавф даражасига бўлинган — паст, ўрта ва юқори. Ўрта ва юқори хавф ҳудудларида қўшимча чекловлар амал қилади, шу жумладан, улар ўртасидаги қатновларга ҳам чекловлар қўйилган.
Янги чекловлар 4 октябрда амал қилишни бошлайди ва камида бир ой давом этади.
Италияда коронавирус билан касалланишнинг кескин ортиши октябрь ойининг иккинчи ярмида бошланди. Икки ҳафта ичида коронавирус билан касалланиш бўйича кунлик кўрсаткич 10 мингтадан 30 мингтага ошган.
Аввалроқ Италия ҳукумати коронавирус билан касалланиш ҳолатларининг ортиши муносабати билан янги чеклов чораларини қабул қилишга мажбур бўлаётгани ҳақида хабар берилганди.
Изоҳ (0)