ПСЖнинг беш нафар асосий футболчиси Чемпионлар Лигаси 3-туридан ўрин олган «Лейпциг»га қарши ўйинни ўтказиб юборади.
Париж клуби расмий сайтига кўра, ҳужумчи Килиан Мбаппе мазкур учрашувда майдонга туша олмайди. У Франция чемпионатининг 9-туридан ўрин олган «Нант»га қарши ўйинда ўнг сон мушакларини шикастлаб олган.
Шунингдек, Неймар, Марко Верратти, Юлиан Дракслер ва Мауро Икарди ҳам мазкур учрашувда жамоага ёрдам бера олмайди. Улар жароҳатдан тикланиш жараёнини бошдан кечирмоқда.
ПСЖ — «Лейпциг» учрашуви 4 ноябрь, чоршанба куни бўлиб ўтади. Ўйин Тошкент вақи билан соат 01:00 да. бошланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)