Ўзбекистон ички ишлар вазирининг шахсий таркиб бўйича буйруғи билан Андижон ва Фарғона вилоятларида лавозим тайинловлари амалга оширилди. Бу ҳақда Ички ишлар вазирлиги ахборот хизмати хабар берди.
Подполковник Фарҳодбек Махсудов Андижон вилояти Андижон тумани ИИБ бошлиғи лавозимига тайинланди. Тайинловга қадар Фарҳодбек Махсудов Андижон вилояти ИИБ ҳузуридаги Тергов бошқармаси бошлиғининг биринчи ўринбосари лавозимида фаолият юритган.
Подполковник Ғолибжон Алимов Андижон вилояти Жалақудуқ тумани ИИБ бошлиғи лавозимига тайинланди. Тайинловга қадар Ғолибжон Алимов Андижон вилояти ИИБ Жиноят қидирув бошқармаси, уюшган жиноятчиликка ва қурол билан қонунга хилоф равишда муомала қилишга қарши курашиш бўлими бошлиғи лавозимида ишлаган.
Подполковник Муроджон Қундузов Фарғона вилояти Олтиариқ тумани ИИБ бошлиғи лавозимига тайинланди. Муроджон Қундузов тайинловга қадар ИИВ Ўз хавфсизлиги бошқармаси Фарғона вилояти бўйича бўлими ўта муҳим ишлар бўйича тезкор вакили лавозимида ишлаб келган.
Мавзуга доир: Қўқон шаҳар ИИО ФМБга янги бошлиқ тайинланди
Изоҳ (0)