Россияда сўнгги суткада коронавирусга чалиниш бўйича 16 319 та ҳолат қайд этилди, деб хабар бермоқда Meduza. Мамлакатда пандемия бошлангандан бери илк бор сутка давомида коронавирус қайд этилганлар сони 16 минг кишидан ортиқ бўлди. Бир кун аввал 15 982 киши касаллангани ҳақида хабар берилганди. Мамлакатда пандемия бошлангандан буён жами 1 431 632 кишида COVID-19 қайд этилган.
Янги аниқланган касалланиш ҳолатлар сони бўйича биринчи ўринда Москва бўлиб, 4999 кишида вирус аниқланган. Бундан бир кун аввал бу кўрсаткич 5376 нафарни ташкил этганди. Иккинчи ўринда эса 695 нафар бемор билан Санкт-Петербург бўлиб, бир кун аввал 686 киши касаллангани қайд этилган.
Мавзуга доир: «Оралиқ йўлни топиш». Сергей Собянин Москва ҳукумати коронавирус тарқалишига қарши қандай курашмоқчилиги ҳақида
Ўтган бир кеча-кундуз давомида соғайганлар сони эса 9704 нафарни ташкил этган. Жами ҳисобда мамлакатда 1 085 608 киши коронавирусдан соғайган.
«Роспотребнадзор» маълумотларига кўра, Россияда коронавирусни аниқлаш бўйича сўнгги 24 соат давомида 374 мингта, умумий ҳисобда эса 54,6 миллиондан ортиқ тест ўтказилган.
Мазвуга доир:
- Россия аҳолиси 2020 йил якунига келиб 352,5 минг кишига камайиши кутилмоқда. Бу ўтган йилга қараганда 11 бараварга кўп
- Россия Соғлиқни сақлаш вазирлиги коронавирус билан касалланганларнинг 90 фоизи таътилдан қайтган одамлар эканини маълум қилди
- Россияда март ойигача коронавирус билан касалланишлар сони камайиши тахмин қилинди
Изоҳ (0)