Ўзбекистонда яна иккита хусусий бандлик агентлиги лицензияси бекор қилинди, деб хабар бермоқда «Kun.uz» Бандлик ва меҳнат муносабатлари вазирлиги маълумотларига таяниб.
Вазирлик хабарига кўра, 13—14 октябрь кунлари Ўзбекистондан ташқарида иш излаётган шахсларни ишга жойлаштириш учун Adiba travel and work ва Good Work хусусий бандлик агентликларига берилган лицензиялар уларнинг ўз аризаларига биноан бекор қилинди.
Good Work ХБАнинг лицензияси шу йил март ойида вақтинча — 10 иш кунига тўхтатиб қўйилган, бунга агентлик устидан шикоят аризалари келиб тушгани сабаб бўлганди.
Шу тариқа, Ўзбекистонда сўнгги 18 ой ичида лицензияси бекор қилинган хусусий бандлик агентликлари сони 50 тага етди. ХБАлар реестрига жами 103 та агентлик киритилган бўлиб, айни пайтда улардан 25 таси лицензияга эга.
Август ойида лицензияси бекор қилинган ХБАлардан 21 таси фаолиятини ташкил қила олмай, лицензиясини топширган, 11 таси эса қонунчиликни турли шаклда бузгани маълум қилинганди.
Маълумот учун, Ўзбекистонда хусусий бандлик агентликлари фаолиятига бундан икки йил олдин — 2018 йил 15 октябрда қабул қилинган қонун асосида рухсат берилганди. 2020 йил августида бу қонунга тузатишлар киритилди.
Мавзуга доир:
- Тошкентда 1100 дан ортиқ фуқарони 6,2 млрд сўмга чув туширган хусусий бандлик агентлигининг кирдикорлари фош қилинди
- Фуқароларни Кореяда ишлашга жўнатишни ваъда қилган агентликдан жабр кўрганларнинг пулларини қайтариш бошланди
- Самарқандда хорижга ишга жўнатиш баҳонасида 300 дан ортиқ одамни чув туширган «Амилее Баҳора» хусусий бандлик агентлиги раҳбарларига суд ҳукми ўқилди
Изоҳ (0)