Футбол бўйича Англия Премьер Лигасининг 5-турида «Тоттенҳэм» 18 октябрь, якшанба куни «Вец Ҳем»ни қабул қилди.
Учрашувнинг илк дақиқасидаёқ «шпорлар» ҳисобни очди. Ҳарри Кейннинг узатмасидан кейин қулай вазиятга чиқиб борган Сон Ҳён Мин имкониятни кўкка совурмади.
Орадан кўп вақт ўтмай Кейн ўз ҳисобига гол ёздириб қўйди, унга узатмани кореялик футболчи амалга ошириб берди. 16-дақиқада ҳисоб йирик кўриниш олди: Серхио Регилоннинг қанотдан узатган тўпини Ҳарри боши билан дарвозага жойлаб қўйди.
Иккинчи бўлимни мезбонлар ўз назорати ушлаб тургандек эди, бироқ сўнгги ўн дақиқаликда омад «Вест Ҳэм» томонида бўлди. 82-дақиқада Фабиан Бальбуэна ҳисобни қисқартирган бўлса, орадан уч дақиқа ўтиб Давинсон Санчес ўз дарвозасини ишғол қилиб қўйди. Ҳакам томонидан қўшиб берилган вақтнинг сўнгги дақиқасида Мануэль Лансини ўзининг супер зарбаси билан тўққизлик бурчакни аниқ нишонга олди ва мувозанатни тиклади.
Мазкур учрашувда Гарет Бэйл қайтганидан кейинги дебютини ўтказди. Уэльслик футболчи 72-дақиқада захирадан майдонга тушди. Ҳисоб 3:2 бўлиб турган вақтда Бэйл ўйинга мантиқий нуқтани қўйиши мумкин эди, бироқ футболчи дарвозабон билан бирга-бир вазиятда ноаниқ зарба берди.
«Тоттенҳэм» 8 очко билан 6-ўринда бормоқда, «Вест Ҳэм» (7) эса 8-поғонага кўтарилди.
АПЛ
5-тур баҳслари
18 октябрь, якшанба
«Тоттенҳэм» — «Вест Ҳэм» 3:3
Голлар: 1:0 – 1 Сон Ҳён Мин, 2:0 – 8 Кейн, 3:0 – 16 Кейн, 3:1 – 82 Бальбуэна, 3:2 – 85, автогол Санчес, 3:3 – 90+4 Лансини.«Тоттенҳэм»: Льорис, Алдервейрелд, Регилон, Санчес, Орье, Сиссоко, Ндомбеле (Уинкс, 73), Бергвейн (Бэйл, 72), Ҳёйберг, Сон Ҳён Мин (Лукас Моура, 80), Кейн.
«Вест Ҳэм»: Фабианьски, Огбонна, Масуаку (Снодграсс, 90), Бальбуэна, Соуфал, Райс, Соучек, Боуэн, Форнальс (Лансини, 77), Крессуэлл, Антонио (Ярмоленко, 77).
Огоҳлантиришлар: Антонио (20), Огбонна (72), Соучек (77), Масуаку (89), Лансини (90).
«Шеффилд Юнайтед» — «Фулҳэм» 1:1
Голлар: 0:1 – 77 Лукман, 1:1 – 85, пенальти Шарп.«Кристал Пэлас» — «Брайтон» 1:1
Голлар: 1:0 – 19, пенальти Заҳа, 1:1 – 90 Мак Аллистер.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)