«Auto.ru» сайтида 1956 йилда ишлаб чиқарилган Porsche 35А — немис маркасининг дунёдаги илк 300 та спорткаридан бири сотувга қўйилгани тўғрисида эълон пайдо бўлди. Сотувчининг таъкидлашича, 64 ёшли автомобилга ҳозирга қадар бир киши эгалик қилган ва машина 1 километргина йўл босган, деб ёзади Motor.
Эълон муаллифининг сўзларига кўра, салони қизил чарм билан қопланган кумушранг кабриолет «музей» ҳолатида. Ушбу нусха тўрт йил давомида реставрация қилинган бўлиб, унинг барча эҳтиёт қисмлари оригинал. Porsche 356 А ҳозирда «Минг мил» (Мille Мiglea) ва Пеббл-Бич (Pebble Beach Concours d’Elegance) танловларида иштирок этишга тайёр.
Машина 105 от кучига эга 1,6 литрли бензин мотор ёрдамида ҳаракатга келади. Агрегат механик узатмалар қутиси ёрдамида бошқарилади. Бироқ 356-моделга бу каби мотор ўрнатилгани эълон қилинмаган: у 60 ёки 75 от кучига эга 1,6 литрли двигатель билан жиҳозланган. Шунингдек, 1,3 (44 ёки 60 от кучи) ва 1,5 (100 от кучи) литрли агрегатли версиялари мавжуд.
Изоҳ (0)