Новосибирсклик блогерлар «ВАЗ-2110» двигателига мотор мойи ўрнига кислота қуйса, нима содир бўлишини текшириб кўришга қарор қилди. Тажриба ролиги YouTube’даги «Гараж 54» каналига жойлаштирилган.
Тажрибани ўтказиш учун блогерлар двигателдаги мотор мойини тўлиқ тўкиб олган. Шундан сўнг кучли реакция йўқлигига ишонч ҳосил қилиш ўша мой идишига бир неча томчи кислота томизган. Хавфсизлик воситаларидан фойдаланилган ҳолда ярим литрга яқин электролит двигателга қуйилиб, ундан кейин автомобиль ўт олдирилган.
«ВАЗ-2110» мотори 30 сонияга яқин ишлаб, туташни бошлаган ва натижада ўчиб қолган. Шу сабабли блогерлар машинани бир суткага шу ҳолда қолдиришга қарор қилган. Эртаси куни двигатель ичи мой қуйиш идиши ёрдамида қаралганида, кўзга кўринарли ҳеч қандай ўзгариш содир бўлмагани аниқланди. Аммо мотор барибир ўт олмаган. Шундан сўнг блогерлар машина «свеча»ларини қуритиб, агрегатни қайта ўт олдириб кўрган.
Moтoр яна ишлай бошлаган. Аммо бу сафар ҳам узоқ эмас — икки дақиқадан сўнг двигатель яна ўчиб қолган. Блогерлар клапанлар қопқоғини очиб, электролит қуйилганидан сўнг агрегатга қандай ўзгариш бўлганини кузатган — мотор зангга ўхшаш қатлам билан қопланган. Шу сабабли ҳаракатга келувчи элементларнинг ишқаланиши сезиларли даражада ортган ва бу куйишга олиб келган.
Аввалроқ ушбу блогерлар «Жигули»га «ЗИЛ-130» двигатели ўрнатиш лойиҳасини якунига етказгани тўғрисида хабар берилганди.
Изоҳ (0)