Ўзбекистон миллий матбуот марказида 2020 йилнинг 13 октябрь куни «Энг улуғ, энг азиз» анъанавий кўрик-танловининг республика босқичи ғолибларини тантанали тақдирлаш маросими бўлиб ўтди. Бу ҳақда Ахборот ва оммавий коммуникациялар агентлиги хабар берди.
Маълум қилинишича, кўрик-танлов Ўзбекистон Президентининг 2020 йил 27 июлдаги «Ўзбекистон Республикаси давлат мустақиллигининг йигирма тўққиз йиллик байрамига тайёргарлик кўриш ва уни ўтказиш тўғрисида»ги қарорига мувофиқ Ахборот ва оммавий коммуникациялар агентлиги, Маданият вазирлиги, Ёзувчилар уюшмаси, Журналистлар ижодий уюшмаси, «Ўзбеккино» миллий агентлиги, Бадиий академия, «Тасвирий ойина» ижодий уюшмаси, Миллий телерадиокомпания, Электрон оммавий ахборот воситалари миллий ассоциацияси томонидан эълон қилинган. Кўрик-танлов Ўзбекитон мустақиллигининг 29 йиллигига бағишлаб, «Сен — қудрат манбаи, саодат маскани, жонажон Ўзбекистоним!» шиори остида ташкил этилди.
Тақдирлаш маросимида кўрик-танлов ташкилий қўмитаси, ҳакамлар ҳайъати аъзолари, танлов ғолиблари, журналистлар иштирок этди.
Кўрик-танловнинг ҳудудий босқичлари ғолибларини тақдирлаш маросимлари 2020 йил 25 августидан 9 сентябргача ўтказилди.
Танловнинг республика босқичига ижодий ишлар коронавирус пандемияси сабабли карантин қоидаларидан келиб чиқиб, 2020 йил 19 августидан 10 сентябригача онлайн шаклда қабул қилинди.
Республика босқичига, шунингдек, Мустақиллик декларацияси қабул қилинганининг 30 йиллиги муносабати билан босма ОАВ, веб-сайт, телеканал ва радиоканаллар ижодкорлари учун тўртта йўналишнинг ҳар бири бўйича жорий этилган «Энг яхши журналистик материал учун» рағбатлантирувчи номинациясига 140 нафардан зиёд муаллиф ва ижодий жамоалардан 1000 га яқин иш келиб тушди.
Кўрик-танлов ғолибларининг муносибини аниқлаш учун жамоатчилик иштирокини таъминлаш, ўқувчилар фикр-мулоҳазаларини инобатга олиш мақсадида tanlov2020.uz сайти ишга туширилди ҳамда ижодий ишларнинг барчаси ушбу веб-сайтга жойлаштирилди. 2020 йил 16—20 сентябрь кунлари мазкур сайт орқали овоз бериш йўлга қўйилди.
«Ижодий ишларнинг аксариятида 2017—2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси, шунингдек, ‘Фаол инвестициялар ва ижтимоий ривожланиш йили’ни амалга оширишга оид давлат дастури доирасида мамлакатни ҳар томонлама обод қилиш, унинг иқтисодий қудратини ошириш борасида амалга оширилаётган ислоҳотлар, Ўзбекистоннинг дунё ҳамжамиятидаги нуфузи ва обрўси ошиб бораётгани, пандемия шароитида ҳам давлат ва жамият ҳаётидаги ўзгаришлар изчил давом этаётгани ҳаётий фактлар ва илмий асосланган таҳлиллар билан холис ва ҳаққоний ёритилган», — дейилади АОКА хабарида.
Кўрик-танлов ғолиблари махсус дипломлар, кўрик-танлов рамзи туширилган плакетка ҳамда қимматбаҳо совғалар билан тақдирланди.
«Энг улуғ, энг азиз» анъанавий кўрик-танловининг республика босқичи қуйидагилар ғолиблар қаторидан ўрин олди.
Ёзувчи ва шоирларнинг бадиий асарлари бўйича
- 1-ўрин. Собир Ўнар — Ўзбекистон Ёзувчилар уюшмаси аъзоси, ёзувчи. Халқимиз турмуши, жамиятда юз бераётган жўшқин ҳаёт, бугунги кун қаҳрамонлари қиёфаси ҳамда уларнинг ўй-кечинмалари ватанпарварлик туйғулари билан таъсирчан ва жонли ифодаланган «Олдинда ёнган маёқ» тўплами учун.
- 2-ўрин. Вафо Файзулло — Ўзбекистон Ёзувчилар уюшмаси аъзоси, шоир. Янги Ўзбекистоннинг янги марралар, порлоқ келажак сари дадил, ишонч билан одимлаётган озод фуқароси кўнгил кечинмалари, қайноқ ҳис-туйғулари, вафо ва садоқат, меҳр-оқибат, дўстлик ва ҳамжиҳатлик сингари мавзулар тараннум этилган «Қоядаги дафтар» шеърий тўплами учун.
- 3-ўрин. Ҳабиб Абдуназар — Ўзбекистон Ёзувчилар уюшмаси аъзоси, ёзувчи. Халқимизнинг миллий турмуш тарзи, ўзига хос характери қирралари бадиий акс этган «Даштдаги олов» қисса ва ҳикоялар тўплами учун.
- 1-ўрин. Наргиза Умарова — «Ёшлар овози» газетаси бўлим муҳаррири. 2017—2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси доирасида амалга оширилаётган ишлар кенг ва таҳлилий ёритилган материаллари учун.
- 2-ўрин. Шоқаҳҳор Салимов — фахрий журналист. 2017—2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси, «Илм, маърифат ва рақамли иқтисодиётни ривожлантириш йили» Давлат дастури ижроси юзасидан амалга оширилаётган ишлар, Ўзбекистонда миллатлараро дўстлик, мамлакатнинг яхши қўшничилик сиёсати, стратегик шериклик руҳидаги муносабатларнинг мазмун жиҳатдан янги босқичга олиб чиқилаётгани таҳлилий ёритилган материаллари учун.
- 3-ўрин. Фармон Тошев —«Зaрaфшон» ва «Самаркандский вестник» газеталари бош муҳаррири. Мамлакатимиз ижтимоий, иқтисодий ҳаёти, матбуот соҳасидаги ислоҳотларнинг боришига бағишланган мақолалари учун.
- 1-ўрин. Миролим Исажонов — «Daryo.uz» ахборот-таҳлилий портали мухбири. Бунёдкор замондошларимизнинг ибратли ҳаёти ва меҳнат фаолияти чуқур таҳлилий ёритилган мақолалари учун.
- 2-ўрин. Фахриддин Убайдуллаев — Ўзбекистон миллий ахборот агентлиги мухбири (Андижон вилояти). Дастур ва лойиҳалар ижроси, аҳолини ижтимоий муҳофаза қилиш борасида юртимизда амалга оширилаётган кенг кўламли ислоҳотлар ҳамда фарзандларимизнинг ҳуқуқий маданиятини юксалтириш, инновацион ғояларнинг амалиётга татбиқ этилишига бағишланган материаллари учун.
- 3-ўрин. Наргиза Юнусова — «Human.uz» ахборот портали мухбири. Мамлакатимизда амалга оширилаётган кенг кўламли ислоҳотлар жараёни, одамларнинг ҳаётини яхшилаш борасида олиб борилаётган ишлар ёритилган материаллари учун.
- 1-ўрин. Улуғбек Раҳмонқулов — «Ўзбекистон 24» телеканали муҳаррири. «Ўзбекистон йил мамлакати» номли ҳужжатли фильми, «Таҳлилнома» ахборот-таҳлилий дастури, «Махсус репортаж» телекўрсатувлари учун.
- 2-ўрин. Муқаддас Панжиева — «Менинг юртим» телеканали мухбири. «Ҳудуд» ёшлар информацион дастурида эфирга узатилган туркум таҳлилий материаллари учун.
- 3-ўрин. Абдуҳолиқ Марайимов —«Ўзбекистон» радиоканали муҳаррири. «Ислоҳотлар амалда», «Жараён», «Халқ қабулхоналарида» туркум эшиттиришлари учун.
- 1-ўрин. Эркин Аралов — рангтасвирчи рассом. Ватанимизнинг бетакрор табиати, саломатликни асраш, одамларимизнинг Ватанга садоқат туйғуси юксак бадиий бўёқларда талқин этилган «Уйда қолинг», «Карантин» асарлар туркуми учун.
- 2-ўрин. Фаррух Шодмонов —Республика «Тасвирий ойина» ижодий уюшмаси дизайнери. 2017—2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси ҳамда бунёдкорлик ишларига бағишланган дизайн лойиҳалари учун.
- 3-ўрин. Ҳамдам Шорахмедов — фотосуратчи. Ватанимизда амалга оширилаётган улкан бунёдкорлик ишлари, одамларнинг Ватанга садоқат туйғуси акс эттирилган «Она юртим» фотолавҳалари учун.
- 1-ўрин. Мансур Абдухолиқов — режиссёр. Мустақиллик берган неъматларни қадрлашга, мамлакатимизда эл-юрт фаровонлигини таъминлаш йўлида амалга оширилаётган эзгу ишларнинг қадр-қимматини чуқурроқ англаш туйғулари акс этган «Тенгиз» бадиий фильмидаги режиссёрлик иши учун.
- 2-ўрин. Эркин Бозоров — актёр. Юрт равнақи, халқ фаровонлиги учун хизмат қилган инсонларнинг сиймоларини яратиш, улар яшаган даврни ҳужжатлар асосида тиклаш орқали томошабинга хотира муқаддас экани, мустақиллик ғояларининг абадиятга дахлдорлиги мавзуларининг гўзал тасвирий ифодалар орқали етказиб берилган «Сабр-у садоқат» кўп серияли бадиий фильмдаги актёрлик иши учун.
- 3-ўрин. Саид Далилхон Саид Турғутхонов — оператор. Мустақиллик туфайли обод бўлаётган шаҳар, туманлар, таъмирланаётган тарихий обидалар, қадамжолар акс этиши баробарида, бугунги кунда фермерларга яратилаётган шароитлар тасвирланган «Матонат сабоқлари. Лола Муродова» ҳужжатли фильмидаги операторлик иши учун.
- Телевидение йўналишида: «Ўзбекистон» телеканалининг «Ассалом, Ўзбекистон!» студияси жамоаси. Пандемия шароитида мамлакатимизнинг обод бўлаётган шаҳар ва туманлари, таъмирланаётган тарихий обидалари, халқ фаровонлиги учун хизмат қилган инсонлар ҳаёти, амалга оширилаётган кенг кўламли ислоҳотлар жонли эфирлар орқали очиб берилган «Ассалом, Ўзбекистон!» кўрсатуви учун.
- Радио йўналишида: Гўзал Яхудаева — Қорақалпоғистон Республикаси телерадиокомпанияси радиоканал муҳаррири. «Янгиланиш қадамлари», «Инсон манфаати халқ келажаги», «Саломатлик сирлари», «Ҳазрати деҳқон» туркум эшиттиришлари учун.
- Матбуот йўналишида: Ирода Тошматова — «Янги Ўзбекистон» газетаси мухбири. Мамлакатимизда амалга оширилаётган кенг кўламли ислоҳотлар ва уларнинг амалий самаралари, аҳоли фаровонлигини таъминлаш борасидаги ишлар ёритилган таҳлилий материаллари учун.
- Веб-сайтларда ёритилган материаллар йўналишида: Нурилло Тўхтасинов — «Xabar.uz» ахборот-таҳлилий портали мухбири. Ўзбекистоннинг дунё ҳамжамиятида тутган ўрни, илм-фан соҳасига қаратилаётган эътибор, халқаро майдонда ўз иқтидорини намойиш қилаётган фарзандларимизнинг ютуқлари ёритилган таҳлилий материаллари учун.
Изоҳ (0)