Қирғизистон Марказий сайлов комиссияси Бишкекда оммавий норозилик намойишлари бошланганишига сабаб бўлган парламент сайловлари натижаларини ҳақиқий эмас деб топди. Бу ҳақда «24.кг»га таяниб Meduza хабар бермоқда.
«Ушбу сайлов кампанияси билан биз ўзимизни обрўсизлантирдик ва шунинг учун бу ҳолатда энг яхши ва тўғри қарор муддатидан олдин истеъфога чиқиш тўғрисида қарор қабул қилиш деб ҳисоблайман», — деган у.
Эслатиб ўтамиз, Қирғизистонда парламент сайлови 4 октябрь куни бўлиб ўтди. Дастлабки маълумотларга кўра, парламентда депутатлик ўрнига эга бўлиш учун зарур бўлган етти фоизлик довондан тўртта партия ўта олган. Бунда парламентдаги ўринларнинг ярмини умумий ҳисобда «Биримдик» ва «Мекеним Қирғизистон» партиялари эгаллаган. Қайд этилишича, «Биримдик» партияси президент Сўронбой Жээнбеков оиласи билан яқин алоқаларга эга, иккинчи партия эса Қирғизистондаги энг нуфузли кишилардан ҳисобланадиган ака-ука Матраимовлар билан боғлиқ.
Парламентдан ўта олмаган 12 та муҳолифатчи партя сайлов натижаларини бекор қилишни талаб қилди.
5 октябрь куни Бишкекда парламент сайлови натижаларидан норози бўлган минглаб одамлар намойишга чиқди. Милиция ходимлари намойишчиларни сув замбараклари ҳамда ёруғлик ва шовқин чиқарувчи гранаталар ёрдамида тарқатиб юборган. Бироқ шу куни кечаси намойишчилар бир неча маъмурий биноларни, хусусан, парламент ва президент маъмурияти жойлашган Оқ уйни, мерия ва ҳукумат биносини эгаллади, собиқ президент Атамбаевни қамоқдан озод қилди.
Норозилик намойишлари фонида Бишкек шаҳрига намойишчилар томонидан янги мер тайинланди. Аммо шаҳарнинг расмий раҳбари Азиз Суракматов истеъфо ҳақида ариза ёзганича йўқ. Мамлакатнинг амалдаги президенти Сўронбой Жээнбеков содир бўлган воқеаларни ҳукуматни ноқонуний эгаллашга уриниш деб атади.
Изоҳ (0)