ПСЖ собиқ ҳужумчиси Эдинсон Кавани фаолиятини «Манчестер Юнайтед»да давом эттирадиган бўлди.
Томонлар 2022 йилга қадар мўлжалланган шартнома борасида келишувга эришган, дея хабар қилмоқда журналист Фабрицио Романо.
Ҳозирда фақат агентларга тўланиши керак бўлган пул миқдори муҳокама қилинмоқда, шундай кейин келишув имзоланади. Айтилишича, аввалига Каванининг агентлари 10 миллион евро сўраган.
Айрим хабарларга кўра, уругвайлик футболчи «Манчестер Юнайтед» билан ҳал қилувчи музокараларни ўтказиш учун 4 сентябрь куни Англияга етиб боради. Аввалроқ Каванининг янги жамоасидаги маоши йилига 10 миллион евро атрофида бўлиши хабар қилинганди.
Эслатиб ўтамиз, Кавани ПСЖни эркин агент сифатида тарк этди. У парижликлар сафида 2013 йилдан буён ҳаракат қилиб келарди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)