«Бавария» ҳужумчиси Роберт Левандовски УЕФА талқинига кўра 2019/20 йилги мавсумнинг энг яхши ўйинчиси деб топилди.
Робертдан ташқари Европанинг энг яхши ўйинчиси номига «Манчестер Сити» ярим ҳимоячиси Кевин де Брюйне ҳамда «Бавария» дарвозабони Мануэль Нойер ҳам даъвогарлик қилган эди.
Маълумот учун, Левандовски «Бавария» сафидаги 47 ўйинда 55 та гол урди. Польшалик футболчи жамоаси билан 4 та соврин ютишдан ташқари, 3 та мусобақа (Германия чемпионати ва Кубоги, Чемпионлар Лигаси) тўпурарига айланди.
Де Брюйне ортда қолган мавсумда Премьер Лигада 20 та голли узатма амалга оширган ҳолда, рекордни такрорлади ва лига доирасида 13 та гол урди.
Нойер «Бавария» сафида 4 та совринга эга чиқди. Чемпионлар Лигасида барча ўйинларда майдонга тушиб, уларнинг 6 тасида ўз дарвозаси дахлсизлигини сақлаб қолди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)