Telegram’даги Самара шаҳри ва вилоятига оид маълумотларни ёритиб бориш билан шуғулланувчи «63.ru» канали вилоятда ватанга қайтиш учун навбат кутаётган ўзбек муҳожирлари лагерининг кўлами тобора кенгайиб бораётгани тасвирланган видео билан бўлишди.
«Самара яқинидаги муҳожирларнинг палата лагери сезиларли даражада кенгайиб бормоқда. Буни маҳаллий блогерлардан бири томонидан ҳаводан туриб олинган видео орқали ҳам кўриш мумкин. Ўзингиз кўринг», — дейилади видео остида қолдирилган изоҳда.
«1 октябрдан чегараларнинг очилиши билан муҳожирларнинг уйга қайтишига боғлиқ вазият ҳал бўлишига умид қиламиз», — деб ёзади Telegram’даги «Kurbanoff.net» канали муаллифи.
Аввалроқ Россия билан Ўзбекистон ўртасидаги мунтазам авиақатновларни тиклаш бўйича Ўзбекистон Транспорт вазирлиги Россия Транспорт вазирлиги ҳамда авиация ҳукуматлари билан бир неча бор музокаралар олиб боргани, бироқ Россиянинг коронавирус пандемиясига қарши кураш бўйича Махсус комиссияси ушбу таклифни рад этгани тўғрисида хабар берилганди.
Бош вазир ўринбосари Азиз Абдуҳакимовнинг таъкидлашича, ҳозирда Россия ва Қозоғистон чегара ҳудудида тўпланиб бораётган Ўзбекистон фуқароларини олиб келиш учун чартер поезд қатновлари амалга ошириб келинмоқда. Шунингдек, Қозоғистоннинг Россия билан чегарадош ҳудудлардаги фуқароларни олиб келиш бўйича чартер автобус қатновларини амалга оширишга келишиб олинган.
Мавзуга доир:
Изоҳ (0)