Ўзбекистонда коронавирусга қарши дори воситалари рўйхатига ўзгартириш киритилди. Бу ҳақда Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги матбуот хизмати хабар берди.
Вазирлар Маҳкамасининг 2020 йил 22 июлдаги қарори билан 2020 йилнинг 1 октябрига қадар Ўзбекистонда рўйхатдан ўтказмасдан ҳамда сертификатлаштирмасдан импорт қилинадиган, COVID-19 инфекцияси билан касалланган беморларни даволашда қўлланиладиган тиббий буюмлар ва тиббий техникалар ҳамда Ўзбекистонда рўйхатдан ўтказмасдан, мажбурий сертификациялаштириш шарти билан импорт қилинадиган, COVID-19 инфекцияси билан касалланган беморларни даволашда қўлланиладиган дори воситалари ва биологик фаол моддалар рўйхати тасдиқланган эди.
13 август куни COVID-19 инфекцияси билан касалланган беморларни даволашда қўлланиладиган тиббий буюмлар ва тиббий техникалар рўйхати кенгайтирилиб, 5 турдаги тиббиёт буюмлари қўшилганди.
Ҳукуматнинг тегишли қарори билан бу рўйхатга Экспресс тест SARS-CoV-2 Antibody Test (Express-test) тиббиёт буюми ҳамда бошқа дори воситалари ҳам киритилиб, белгиланган тартиб 2021 йилнинг 1 мартига қадар узайтирилмоқда.
Изоҳ (0)