Австралияда акула сёрферга ҳужум қилишга уриниб, унинг тахтасига ташланган ва тишини синдириб олган, деб хабар беради Daily Mail.
Линда Марчант Цинклер Янги Жанубий Уэльсдаги Карабита-Бич қирғоқларида сёрфинг билан шуғулланаётган бўлган. Унинг ёнига сузиб келган акула сёрфинг тахтасини тишлаб олган. Қиз йиртқичдан қочиб кетишга муваффақ бўлган, балиқ эса ўз тишидан айрилган.
«Карабита-Бичда сёрфинг учманг. Катта акула тахтамни тишлаб олди», — деб ёзади спортчи ўзининг ижтимоий тармоқлардаги саҳифасига.
Нашрнинг маълум қилишича, содир бўлган кўнгилсиз ҳодиса жойининг яқинида 8 сентябрь куни акула Ник Слайдер исмли риэлторга ташланган. У олинган тан жароҳатлари оқибатида вафот этган.
Карабита шаҳри яқинидаги сувда чўмилувчилар учун ҳудуд акулалардан тўр билан ҳимояланган. Бироқ бу йиртқичлардан доим ҳам муҳофаза қила олмайди.
Австралияда акулалар ҳужуми тез-тез учраб туради. Хусусан, 2018 йилда Перт шаҳри яқинидаги портлардан бирида акула сёрферга ҳужум қилган эди. Беллин шаҳри яқинида эса 43 ёшли эркак сёрфинг пайтида ўзига ҳужум қилган акулани дўппослаганди.