Тошкент вилояти Пискент туманига Раҳимжон Рихсиев ҳоким этиб тайинланди. Шунингдек, тумандаги секторларга ҳам янги раҳбарлар тайинланди. Бу ҳақда ЎзА хабар берди.
Маълум қилинишича, Тошкент вилояти Пискент туманида халқ депутатлари туман Кенгашининг навбатдан ташқари 12-сессияси бўлиб ўтди. Сессияда Рихсиев Раҳимжон Мирқодирович Пискент тумани ҳокими этиб тайинланди.
Раҳимжон Рихсиев 1982 йилда Тошкент шаҳрида туғилган. Миллати ўзбек. Маълумоти олий. 2003 йилда Тошкент давлат молия институтини, 2005 йилда Тошкент давлат иқтисодиёт университетини тамомлаган.
Меҳнат фаолияти давомида иқтисодиёт ва бошқарув тизимида бир қатор вазифаларда фаолият юритган. Ушбу лавозимга тайинлангунга қадар Раҳимжон Рихсиев Тошкент вилояти ҳокимининг ёрдамчиси лавозимида фаолият кўрсатган.
Шунингдек, сессияда Пискент тумани прокурори, ички ишлар бўлими бошлиғи, солиқ инспекцияси бошлиғи ҳам лавозимидан озод этилиб, янги таркибда иш бошлаган сектор раҳбарлари тайинланди.
Туман прокурори лавозимига Алишер Жўраев, ички ишлар бўлими бошлиғи лавозимига Шуҳрат Мелиев ва туман давлат солиқ инспекцияси бошлиғи лавозимига Жасур Сайфиев тайинланди.
Аввалроқ АҚШда ишлаган 29 ёшли мутахассис Сирдарё вилояти ҳокимига маслаҳатчи этиб тайинлангани, Ширин шаҳрига 31 ёшли янги ҳоким тайинлангани ҳақида хабарлар берилганди.
Изоҳ (0)