Жиноят ишлари бўйича Андижон вилоят судининг судьяси Шавкатжон Шодмонов 15 сентябрь куни вафот этди. Бу ҳақда Олий суд матбуот хизмати хабар берди.
Ўзбекистон Олий суди жамоаси жиноят ишлари бўйича Андижон вилоят судининг судьяси Шавкатжон Шодмоновнинг бевақт вафоти муносабати билан унинг оила аъзоларига таъзия билдирган.
«Дарё» манбасининг маълум қилишича, 45 ёшли Шавкатжон Шодмонов коронавирус инфекцияси асоратларидан вафот этган. Шавкатжон Шодмонов «Дарё» ҳисоби бўйича коронавируснинг Ўзбекистондаги 419-қурбони бўлди. Ушбу ўлим ҳолати юзасидан Соғлиқни сақлаш вазирлиги ҳозирча ахборот бергани йўқ.
Шавкатжон Шодмонов коронавирус қурбони бўлган биринчи судья эмас. 31 июль куни Жиноят ишлари бўйича Тошкент вилоят суди судьяси, 53 ёшли Хайриддин Шермуҳамедов коронавирус инфекцияси асоратларидан вафот этгани хабар қилинганди. Аммо унинг ўлимига COVID-19 сабаб бўлганини ССВ шу вақтга қадар тасдиқламаган.
Изоҳ (0)