2020—2021 йилларда Тошкент шаҳар Яккасарой туманининг Чўпонота кўчасидан туманнинг КҲАЙ, ТҲАЙ ва Қипчоқ кўчалари оралиғида жойлашган 6 йўлакли 3 та йўл ўтказгич ва автомобиль йўли қурилади. Бу ҳақда туман ҳокимлиги ахборот хизмати хабар берди.
Маълум қилинишича, Чўпонота кўприги қурилиши энг сўнгги технологияларига мувофиқ барпо этилмоқда.
Кўприкнинг таянч устунлари 47 та, уларнинг баландлиги 13 метргача бўлиши мўлжаланган. Кўприкнинг эстетик жиҳатдан чиройли кўриниши учун устунларини махсус жиҳозлар билан безатилиши назарда тутилган. Тунги ёритиш тизими кўприкка аҳолининг эътиборини тортувчи замонавий кўринишни таъминлайди.
Чўпонота кўпригининг умумий узунлиги 597 метрни, боғламалари билан биргаликда 950 метрни ташкил қилади. Кўприк қурилишида автомобиллар, пиёдалар ва велосипед учун йўлаклар назарда тутилган.
«Кўприк қатнов қисми қопламасининг сўнгги технология ва юқори сифатли қурилиш материалларини қўллаган ҳолда қурилиши, автомобиль ва пиёдаларнинг қулай ҳаракатланишини таъминлайди», — дейилади хабарда.
Аввалроқ Тошкент шаҳрида 6 та янги кўприк қурилиши таъкидланган эди. Улардан бири шаҳар маркази билан Сергели туманини боғловчи кўприк бўлиши ҳақида Президент Шавкат Мирзиёевнинг туманга ташрифи давомида қайд этилган.
Мавзуга доир: Тошкент марказини Сергели билан боғловчи кўприк қурилиши туфайли Яккасаройдаги кўчанинг бир қисми 6 ойга ёпилади
Изоҳ (0)