Фуқаролик кодексининг янги таҳрири ҳақида матбуот анжумани бўлиб ўтди. Анжуман давомида фуқаронинг расмидан унинг розилигисиз фойдаланиш тақиқланиши янги таҳрир лойиҳасига киритилган, деб маълум қилди Адлия вазирлиги ҳузуридаги Ҳуқуқий сиёсат тадқиқот институти директори Аъзам Мадаминов.
«Фуқароларни расмидан уларнинг розилигисиз фойдаланиш мавзуси бугун жуда долзарб. Амалдаги Фуқаролик кодексида бировнинг расмини олиб ундан фойдаланиш учун эгасини розилиги керак деган аниқ норма йўқ. Бошқаларнинг расмидан розиликсиз бемалол фойдаланиб юришибди.
Масалани тартибга солиш, жабрланган томонни ҳуқуқий ҳимоя қилиш мақсадида янги лойиҳага алоҳида модда киритиляпти. Бунда фуқаро тасвири қонунан ҳимояланади. Кимдир бир фуқаронинг расми ёки тасвиридан фойдаланмоқчи бўлса, унинг розилиги кераклиги белгилаб қўйилади.
Албатта, истисно ҳолатлар ҳам мавжуд. Масалан, тезкор қидирув ҳолатларида фуқаро розилиги талаб қилинмайди. Қолаверса, жамоат жойларида, ҳар хил тадбирларда туширилган суратларни тарқатишга розилик керак бўлмайди. Лойиҳада бу каби ҳолатлар кўрсатиб ўтилмоқда», – деди Аъзам Мадаминов матбуот анжуманида.
https://youtu.be/UDS1JEzOex0?t=396
Мавзуга доир:
Изоҳ (0)