Аксарият аёллар кундуз куни терига ҳаддан ортиқ эътибор беради. Афсуски, тунда уни парваришсиз қолдиради. Аслида тери кундузгидан ҳам кўра кўпроқ тунда парваришга муҳтож бўлади. Шунингдек, бунинг бир қанча афзалликлари ҳам мавжуд.
Инсон дам олади, тери фаол бўлади
Тун организм учун, хусусан, тери учун жуда муҳим бўлган вақтдир. Айнан инсон уйқуга кетган пайтда организм фаол ишлашни бошлайди. Бунда тана ўз-ўзини даволаш учун гармон ишлаб чиқаради. Мушаклар бўшашади, ҳужайралардаги артериал қон оқими яхшиланади, веноз ва лимфа суюқлиги ташқарига чиқади ва ҳужайралар нафас олади. Ушбу жараёнлар янгиланиш ва ёшартиришга хизмат қилади.
Терининг янада самарали тикланиши учун унга ёрдам берадиган воситалардан фойдаланиш керак. Парвариш кун қисмларига қараб ўзгариб турадиган биологик жараёнларга мослашиши керак.
Гоҳида эрта тонгда терида шишлар кузатилади. Бу танада дренаж жараёни бузилганлигини кўрсатади. Шунинг учун тунги крем таркибида тиклаш ва тиклашга қаратилган эпигенетик моддалар, шунингдек, эпигенетик ангиопротектив моддалар бўлиши керак. Улар модда алмашинуви ҳамда микроциркулациясини яхшилайди, шунингдек, қон томирлари деворларини мустаҳкамлайди. Бундай кремлар терига нафақат тунда дам олишга, балки шишларни йўқ қилишга ҳам ёрдам беради.
Тери ҳолатини меъёрлаштирадиган муҳитни яратиш ва ҳужайраларни қайта тиклашга ёрдам бериш учун эрталаб терини силлиқ ва ипакдек майин қилувчи Б витаминидан фойдаланиш керак.
Кузда терининг қуриши
Совуқ мавсумда одамлар яшайдиган ва ишлайдиган хоналар сунъий тарзда иситилади. Афсуски, хонани иситиш ҳавони қуритиб юборади, шунингдек, теридаги намлик иситилган хонага боғлиқ равишда буғлана бошлайди. Шунинг учун ҳам кечаси юзни намлантирувчи кремлардан фойдаланиш тавсия этилади.
Оксидланиш—қайта тикланиш жараёни
Инсон ҳар куни доимий равишда кислород қабул қилади. У танада қабул қилинганидан сўнг оксидланиш-тикланиш жараёнининг асосий иштирокчисига айланиб қолади ва бирламчи эркин радикалларни ҳосил қилади. Улар танани бактериялар ва вируслардан ҳимоя қилишга ёрдам беради. Бироқ кураш жараёнида иккиламчи ва учламчи радикаллар ҳам шаклланади. Агар кун доимий қуёш остида ўтказилса, тамаки тутунидан нафас олинса, консервантлар, антибиотиклар ва бошқа маҳсулотлар истеъмол қилинса, танада эркин радикаллар кўпаяди. Улар ҳужайрага таъсир ўтказиб, мутациялар ва зарарли ўзгаришларнинг пайдо бўлишига йўл очади. Кечаси танани тиклаш учун олиб борилган парвариш ишлари эркин радикаллардан халос қилади. Шунинг учун оксидланиш билан курашишда ёрдам бериш учун оксидловчи стрессни камайтиришга қаратилган, таркибида эпигенетик моддалар бўлган тунги кремлардан фойдаланиш афзал.
Айрим аёллар бунга қанчалик бееътибор бўлмасин, тунги кремлардан фойдаланиш жуда ҳам муҳим. Сабаби эрта тонгда силлиқ, текис, ёрқин ва ёш тери натижасига эришиш мумкин.
Изоҳ (0)