Ўзбекистон Президенти Шавкат Мирзиёев 31 август, душанба куни мустақилликнинг 29 йиллиги муносабати билан ўтказилган тадбир якунида мамлакатда амалга оширилаётган ишларнинг самардорлигига таъсир қилаётган омиллар ҳақида гапирди. Шунингдек, давлат раҳбари коронавирус билан боғлиқ вазиятга эътборсиз бўлмасликка чақирди.
Бизга битта нарса керак: раҳбарларнинг оёғи узилмасдан, бошлаган ишларимизни ҳалол-поклик билан давом эттирсак, кам бўлмаймиз.Шунингдек, Президент мазкур тадбирда пандемия даврида ўзбек халқи том маънода қудратли кучга айлангани ҳақида айтиб ўтди. Давлат раҳбари вақти келиб ўқитувчилар ойлиги 1000 долларга етказилишини билдирди, сўз ва матбуот эркинлигини таъминлаш бўйича ишлар ортга қайтмаслигини таъкидлади.Кўп иллатларни унутишимиз керак. Қийин бўляпти. Ҳокимларимизга халқнинг ичига кир, халқнинг олдига бор, одамнинг дардини эшит, мана шу дардини, қўлингдан келмаса, яхши гап билан, қўлингдан келса, иш билан амалда кўрсат, деб жуда кўп ҳаракат қиляпмиз.
Лекин беш қўл баравар эмас. Жуда кўп-кўп ишларимиз тўсиқларга, жойлардаги ноинсофчиликларга дуч келмоқда. Ҳали кўп ижро органлари раҳбарлари бунақа очиқликка тайёр эмас. Бу — очиқ Ўзбекистон.
Вирус ёнимизда юрибди. Мана, Миллий театримизнинг раҳбари вафот этди. Роса ҳаракат қилдик, минг афсус, асраб қололмадик. Шу воқеалардан кейин кўзимга ҳеч уйқу келмади. Ўзимизга кўп нарса боғлиқ. Эҳтиёт бўлиб, шифокорлар айтганини қилайлик.
Шавкат Мирзиёев, Ўзбекистон Президенти
Эслатиб ўтамиз, Ўзбек миллий академик драма театри директори, Ўзбекистонда хизмат кўрсатган артист Фатҳулла Масъудов 30 август куни 57 ёшида коронавирус оқибатида вафот этди.
Изоҳ (0)