Андижон шаҳри кўчаларида автомобилини маст ҳолда бошқарган хорижлик фуқаронинг машинаси жарима майдонига жойлаштирилди. Бу ҳақда «Дарё»га вилоят ИИБ Йўл ҳаракати хавфсизлиги бошқармаси ахборот хизмати хабар берди.
Маълум қилинишича, 2020 йилнинг 27 август куни Андижон шаҳри кўчаларида тунги рейд тадбири ўтказилган. Рейдда машинасини маст ҳолда бошқарган саккиз нафар ҳайдовчи аниқланган.
Тадбир давомида, тунги соат 01:20 да вилоят ИИБ ЙҲХБ 1-сафарбарлик гуруҳи йўл патруль хизмати инспектори, сафдор Азизбек Сойибжонов томонидан Honda русумли давлат рақами LV-907-VL бўлган автомашина тўхтатилиб, текширилган.
Текширув давомида автотранспорт воситаси 1995 йилда туғилган, Молдова фуқароси Преда Юра Юривичга тегишли эканлиги, ҳайдовчи автомобилни маст ҳолда бошқариб келаётганлиги аниқланган. Молдовалик фуқаронинг автомашинаси тегишли тартибда вақтинчалик жарима майдонига олиб кирилган.
Эслатиб ўтамиз, аввалроқ Тошкентда маст ҳолатдаги ҳайдовчи йўлни таъмирлаётган ходимни уриб кетгани, жабрланувчи воқеа жойида вафот этгани хабар берилганди.
Изоҳ (0)