Бурак Ўзчивит ва Неслиҳан Атагул ўртасига совуқчилик тушишига нима сабаб бўлган? «Севги изтироби» сериалининг кадр ортидаги воқеалари

Ўзбек телетомошабинлари қалбидан жой олган, 2015 йилда экран юзини кўрган «Севги изтироби» турк сериалининг суратга олиш майдончасидаги маълумотлар билан бўлишамиз.

Ҳар икки ижодкор ҳам ушбу мавзу ҳақида фикр билдиришни истамайди. Суратга олиш жараёнининг бошида ҳаммаси яхши бўлган кейинчалик эса улар ўртасидаги муносабатлар дарз кетган. Бунинг сабаби турли тахминлар билан билан боғланади, аммо энг кўп тарқалган ва ҳақиқатга яқини Неслихоннинг турмуш ўртоғи Кадирнинг рашки сабаб ҳисобланади.

Ажабланарлиси, «Севги изтироби»га қадар Кадир ва Бурак дўстона муносабатда бўлган ҳатто «Кичик сирлар» фильмида бирга суратга тушган. Лекин «Севги изтироби»да Неслихон ва Буракнинг севишганлар ролига киришиб кетганини актриса турмуш ўртоғининг асаблари кўтара олмаган. Ўша вақтда бошланган совуқчилик бугунги кунда ҳам ўз таъсирини йўқотмаган, актёрлар ўртасида салом-алик йўқолган. Қизиғи фильмда Ниҳон, Амирдан нафратланган, лекин ҳаётда Неслихон, Буракдан фарқли ўлароқ Каан билан илиқ муносабатда.

Қизиқарли факт: Сериал қаҳрамонлари яшаган уй декорация ва у фильмни суратга олиш жамоасига ижарага берилган.

Бош қаҳрамонлар ўртасидаги совуқчиликни ҳисобга олмаганда суратга олиш майдончасида яхши муҳит бўлган. Бурак ҳазиллари билан жамоани кулдирган, рақслари билан бошқалар кайфияти кўтарилишига сабабчи бўлган.

Каан Урганжиўғлунинг танаффус вақтидаги энг севимли машғулоти фильмдаги ўгай қизи «апелсин» Арвен Берен билан ўйнаш бўлган. Фильмда чақалоқ бўлган Арвен ҳозир 4 ёшда. Унинг Instagram саҳифасида 900 минг кузатувчи бор.

Қизиқарли факт: Амир ролини аввалига актёр Фуркан Андич ижро қилиши керак бўлган. Лекин ноаниқ сабабларга кўра у мазкур лойиҳада иштирок этишдан бош тортган.

Фильм фожиа билан тугаганига қарамай, суратга олиш ишлари якунланганидан сўнг ижодкорлар учун зиёфат ташкиллаштирилган ва жамоанинг ҳар бир аъзоси мазкур лойиҳани илиқ хотиралар билан эсга олишини таъкидлаган.

2017 йилда «Севги изтироби» энг яхши хорижий теленовелла йўналиши бўйича Эмми мукофотига лойиқ деб топилган. «Севги изтироби» мазкур мукофот берилган илк турк сериали бўлган.

Маълумот учун, «Севги изтироби» Zo‘r TV хусусий канали орқали илк марта 2017 йил сентябридан бошлаб намойиш этила бошланди. 2018 йил февраль ойида Ўзбекистон бош вазири Абдулла Арипов «Севги изтироби» сериалини танқид қилиши ортидан фильм намойиши тўхтатилган эди. Ўшанда сериалнинг эндигина иккинчи фасли намойиши бошланганди. Zo‘r TV телеканали 2019 йил июль ойида «Севги изтироби» эфирга узатилишини маълум қилди. 30 июль куни соат 20:00 да сериал қолган жойидан эфирга узатилди. 31 июль куни эса сериал эфирга узатиладиган вақтда бошқа кўнгилочар кўрсатув намойиш этилди. Бу сафар сериалнинг нима сабабдан эфирдан олиб ташланганига изоҳ берилмади.