Туркманистон мактабларида ҳар бир синфдаги ўқувчилар сони 15 нафаргача, дарслар давомийлиги 25-35 дақиқагача қисқартирилади
Туркманистон пойтахти Ашхобод шаҳридаги мактабларда ўқувчилар сони уларнинг бир қисмини бошқа ўқув муассасаларига ўтказиш орқали камайтирилади. Бу ҳақда «Хроника Туркменистана» хабар берди.
Маълум қилинишича, синфларда энг кўпи билан 15 нафар ўқувчи бўлиши керак. Бундай қарор COVID-19 тарқалишининг олдини олиш мақсадида қабул қилинган. Бунинг учун синфлар икки қисмга бўлинади. Биринчи қисми биринчи сменада ўқиса, ўқувчиларнинг қолган қисми иккинчи сменага боради.
Шунингдек, дарслар давомийлиги ҳам қисқартирилади. Биринчи синф ўқувчилари учун ҳар бир дарс давомийлиги 25 дақиқани ташкил қилади, 2—4-синфларда дарслар 30 дақиқа давом этса, 5—11-синфлар учун дарслар давомийлиги 35 дақиқани ташкил қилади. Ҳар бир дарсдан кейинги танаффус 10 дақиқани, катта танаффус эса 20 дақиқани ташкил этади.
Эслатиб ўтамиз, Ўзбекистон мактабларида янги ўқув йилини 14 сентябрдан бошлаш таклиф қилинмоқда. Ҳозирда Халқ таълими вазирлиги янги ўқув йилини бошлаш бўйича 3 та сценарий устида ишламоқда.
Аввалроқ Ўзбекистон Санитария-эпидемиологик осойишталик агентлиги директори ўринбосари Баҳодир Алматов 25 август куни бўлиб ўтган брифингда коронавирус пандемияси шароитида Ўзбекистон мактабларида дарслар давомийлигини 30 дақиқа этиб белгилаш таклиф этилганини маълум қилганди. Мазкур матбуот анжуманида халқ таълими вазири Шерзод Шерматов дарслар 45 дақиқа давом этиши тарафдори эканини билдирди,
