Россияда сўнгги бир сутка ичида коронавирус билан касалланиш бўйича мамлакатнинг 84 та ҳудудида 4744 та янги ҳолат қайд этилди. Бу апрель ойининг охиридан буён Россияда қайд этилган энг паст кунлик кўрсаткич ҳисобланади, деб хабар берди «Интерфакс».
Сўнгги бир сутка ичида коронавирусдан 2456 нафар бемор тузалган, касаллик оқибатида 65 киши вафот этган.
Пандемия бошидан буён Россияда 961 493 кишида коронавирус аниқланган, 16 448 киши касаллик қурбонига айланган, 773 095 киши касалликдан тузалишга муваффақ бўлган. Айни пайтда 171 950 киши касалликдан даволанмоқда.
Москвада бир суткада COVID-19 билан касалланиш бўйича 625 та янги ҳолат рўйхатга олинган. Тўққиз киши касаллик оқибатида вафот этган, 863 киши тузалган.
Шунингдек, сўнгги бир суткада коронавирус билан касалланиш бўйича Санкт-Петербург шаҳрида 182 та, Москва вилоятида 148 та, Ростов вилоятида 131 та, Ставрополь ўлкасида 129 та, Свердлов вилоятида 127 та, Красноярск ўлкасида 115 та, Нижегород вилоятида 114 та, Волгоград ўлкасида 112 та ҳолат қайд этилган. Мамлакатнинг бошқа ҳудудларида кунлик кўрсаткич 100 та ҳолатдан ошмаган.
Изоҳ (0)