Самарқанд вилоятида 47 770 та оила камбағал оила сифатида рўйхатга олинган бўлиб, бу оилаларда 215 313 нафар киши яшайди. Рўйхатга олинган оилаларнинг 4651 таси боқувчисини йўқотган, 7190 тасида эса ногирон оила зъолари бор. Бу ҳақда «Дарё»га Самарқанд вилоят ҳокимининг биринчи ўринбосари Жамшид Ўроқов маълум қилди.
Таъкидланишича, рўйхатга олинган оилаларнинг 24 954 таси ишсиз ва доимий даромадга эга эмас. 2368 таси кўп болали оила, 1704 таси узоқ муддатга хорижга кетиб, оиласига даромад келтирмаётганлар ва 6903 таси эса бошқа сабабларга кўра камбағал бўлганлиги аниқланган.
Жамшид Ўроқовнинг маълум қилишича, ушбу оилаларда жами 61 мингга яқин ишсиз фуқаро бор. Ўтган беш ой давомида ушбу оилалар билан тизимли равишда ишлаш натижасида 7100 нафари иш топиб, ўз тадбиркорлигини бошлаган. Улар ўзини ўзи банд қилгани боис Халқ депутатлари туман ва шаҳар кенгашлари қарорлари асосида «темир дафтар»дан чиқарилган.
Бугунги кунда вилоятда «темир дафтар»га киритилган камбағал оилалар сони 45 435 тани ташкил этмоқда.
Ҳар бир камбағал оилани қўллаб-қувватлаш ҳамда уларни камбағалликдан чиқариш бўйича амалга оширилаётган ишлар «Saxovat.argos.uz» дастури орқали ҳисобга олиб борилмоқда.
Мавзуга доир:
- «Маҳалламиздаги 350 дан зиёд оила бирлашиб, юзлаб хонадонни ‘темир дафтаръдан чиқармоқчимиз» – норинлик лимон етиштирувчи тадбиркор билан суҳбат
- Ўзбекистонда яна 150 мингдан ортиқ оила моддий ёрдам олади
- Ғузордаги коллежда камбағал ва ишсиз фуқаролар учун ўқув курси ташкил этилди. Биринчи машғулотни туман ҳокими ўтди
Изоҳ (0)