Футбол бўйича Россия Премьер Лигасининг 4-турида «Спартак» 23 август, якшанба куни «Локомотив» билан баҳс юритди.
Учрашув дебютида Мурило Серкейра «темир йўлчилар»ни олдинга олиб чиқди. Иккинчи бўлимда майдон эгалари фаолликни оширди ва бу ўз самарасини берди. 53-дақиқада Ёрдан Ларссон ҳисобни тенглаштиришга эришди.
Учрашув якунланиши арафасида Александр Соболев «Спартак»нинг ғалаба тўпини киритди.
Учрашув қайдномасига киритилган Остон Ўрунов майдонга тушмади. «Локомотив» эса легионерларга қўйилган чеклов сабаб Жасур Жалолиддиновни РПЛ рўйхатидан ўтказмаган.
«Спартак» ушбу ғалабадан кейин очколарини 8 тага етказиб олган ҳолда 2-ўринга кўтарилди, «Локомотив» (7) эса 4-поғонада бормоқда.
РПЛ
4-тур баҳси
23 август, якшанба
«Спартак» — «Локомотив» 2:1
Голлар: 0:1 – 10 Серкейра, 1:1 – 53 Ларссон, 2:1 – 81 Соболев.«Спартак»: Максименко, Жиго, Жикия, Маслов, Айртон, Зобнин, Крал, Умяров (Ешенко, 90), Бакаев (Глушенков, 79), Ларссон (Тил, 90), Понсе (Соболев, 59).
«Локомотив»: Гильерме, Рибус, Чорлука, Серкейра, Игнатьев, Антон Миранчук, Алейксей Миранчук (Рибчинский, 36; Lisaкович, 85), Криховяк, Баринов (Магкеев, 18), Эдер (Камано, 84), Смолов (Жемалетдинов, 85).
Огоҳлантиришлар: Баринов (7), Рыбус (42), Криховяк (44), Чорлука (69), Рибчинский (80), Умяров (86), Гильерме (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)